మ‌హేష్ బాబు – త్రివిక్ర‌మ్ కాంబినేష‌న్‌లో ఓ సినిమా రూపుదిద్దుకొంటున్న సంగ‌తి తెలిసిందే. అన్నీ అనుకొన్న‌ట్టు జ‌రిగితే… ఇప్ప‌టికి స‌గం సినిమా పూర్త‌య్యేది. కానీ.. ర‌క‌ర‌కాల కార‌ణాల వ‌ల్ల ఆల‌స్యం అవుతూ వ‌చ్చింది. న‌వంబ‌రులో షూటింగ్ మొద‌లుపెడ‌దామ‌నుకొంటే… మ‌హేష్ ఇంట్లో విషాదం చోటు చేసుకొంది. కృష్ణ ఆక‌స్మిక మ‌ర‌ణంతో.. మ‌హేష్ ఇంకొన్నాళ్లు షూటింగ్ కి దూరంగా ఉండాల్సిన ప‌రిస్థితి వ‌చ్చింది. డిసెంబ‌రులో ఎట్టిప‌రిస్థితుల్లోనూ కొత్త షెడ్యూల్ మొద‌లు పెట్టాల‌న్న‌ది త్రివిక్ర‌మ్ ప్లాన్‌. మ‌హేష్ కూడా అదే ఆలోచ‌న‌లో ఉన్నాడ‌ట‌. అంతే కాదు.. ఈ సినిమాని 2023 ఏప్రిల్ లో విడుద‌ల చేయాల‌ని ప్లాన్ కూడా చేస్తున్నార్ట‌.

అంటే..ఫిబ్ర‌వ‌రి మూడో వారంలో నాటికి షూటింగ్ అవ్వాలి. మార్చిలో పోస్ట్ ప్రొడ‌క్ష‌న్ తో పాటుగా, ప్ర‌మోష‌న్ల కార్య‌క్ర‌మం పూర్త‌వ్వాలి. మూడు నెల‌ల్లో సినిమాని లాగించేయ‌డం ఓకే. కాక‌పోతే… త్రివిక్ర‌మ్ అంత ఫాస్ట్ కాదు. పైగా… పెద్ద కాంబినేష‌న్ ఇది. అంద‌రి కాల్షీట్లూ స‌ర్దుబాటు కావాలి. మ‌ధ్య‌లో ఎలాంటి అవాంత‌రాలూ రాకూడ‌దు. వేస‌విలో షూటింగ్ చేయ‌డానికి మ‌హేష్‌కి మ‌న‌సొప్ప‌దు. ఏప్రిల్ లో ఎండ‌లు మొద‌లైపోతాయి కాబ‌ట్టి… మార్చిలోపే షూటింగ్ ముగించాల‌ని, ఏప్రిల్ లో ఎట్టిప‌రిస్థితుల్లోనూ సినిమా విడుద‌ల కావాల‌ని మ‌హేష్ ఒత్తిడి తీసుకొస్తున్న‌ట్టు తెలుస్తోంది. త్రివిక్ర‌మ్ కాస్త స్లో. మ‌హేష్ కూడా మ‌ధ్య‌మ‌ధ్య‌లో గ్యాప్ లు ఎక్కువ‌గా తీసుకొంటుంటాడు. మ‌రి ఏ న‌మ్మ‌కంతో.. ఏప్రిల్ లో ఈ సినిమాని విడుద‌ల చేయాల‌నుకొంటున్నారో వాళ్ల‌కే తెలియాలి.