ఈరోజు అల్లు అర్జున్ పుట్టిన రోజు సంద‌ర్భంగా.. బ‌న్నీ ఫ్యాన్స్‌కి ట్రీట్ దొరికేసింది. `నా పేరు సూర్య – నా ఇల్లు ఇండియా` డైలాగ్ ఇంపాక్ట్ ఒక‌టి విడుద‌ల చేశారు. డైలాగ్ ఇంపాక్ట్ అని చెప్పినా ఇది కూడా యాక్ష‌న్ ఎపిసోడ్‌లానే అనిపించింది. ఓ ప‌బ్‌లో జ‌రిగిన ఫైట్ ఇది. దానికి ఓ ప‌వ‌ర్‌ఫుల్ డైలాగ్ జోడించారు. ‘సౌతిండియాకా సాలా’ అంటూ ఓ ఫైట‌ర్ బ‌న్నీకి ఉద్దేశించి అరిస్తే.. ‘సౌతిండియా నార్త్ ఇండియా ఈస్ట్ వెస్ట్‌… అన్ని ఇండియాలు లేవురా మ‌న‌కి… ఒక్క‌టే ఇండియా’ అంటూ బ‌న్నీ చెప్పిన డైలాగ్‌ని టీజ‌ర్‌గా వ‌దిలారు. ఈ సినిమాపై ముందు నుంచీ సీరియెస్ సినిమా అనే ముద్ర ప‌డిపోయింది. ఈ టీజ‌ర్‌తో దానికి ఇంకాస్త సీరియెస్‌నెస్ జోడించిన‌ట్టైంది. బ‌న్నీ డైలాగ్ చెప్పే విధానం, యాక్ష‌న్ ఎపిసోడ్లో క‌నిపిస్తున్న ఇంటెన్సిటీ చూస్తే – `సూర్య` యాక్ష‌న్ ప్రియుల‌కు న‌చ్చ‌డం ఖాయం అనిపిస్తోంది. ఈనెల 27న విడుద‌ల కావ‌ల్సిన సినిమా ఇది. అయితే.. భ‌ర‌త్ అనే నేను సినిమాకి దారిస్తూ మే మొద‌టి వారానికి ఫిఫ్ట్ అయ్యింది. రంగ‌స్థ‌లం, భ‌ర‌త్ అనే నేను సినిమాల హ‌డావుడి మ‌ధ్య.. సూర్య కాస్త సైలెంట్ అయ్యాడు. ఈ టీజ‌ర్‌తో మ‌ళ్లీ రంగంలోకి దూకేసిన‌ట్టే.
‘నా పేరు సూర్య’ టీజ‌ర్‌: అన్ని ఇండియాలు లేవురా మ‌న‌కి!
