నాగ‌చైత‌న్య – ప‌ర‌శురామ్ కాంబినేష‌న్‌లో ఓసినిమా ఓకే అయిన సంగ‌తి తెలిసిందే. దీనికి `నాగేశ్వ‌ర‌రావు` అనే పేరు ప‌రిశీల‌న‌లో ఉంది. స‌ర్కారువారి పాట త‌ర‌వాత ప‌ర‌శురామ్ చేయ‌బోయే సినిమా ఇదే. అయితే.. ఇది ఇప్ప‌ట్లో సెట్స్‌పైకి వెళ్లేలా క‌నిపిచండం లేదు. ఎందుకంటే… నాగ‌చైతన్య దృష్టి ఇప్పుడు వెంక‌ట్ ప్ర‌భు క‌థ‌పై ఉంది. వెంక‌ట్ ప్ర‌భుతో ఓ సినిమా చేయ‌డానికి చైతూ అంగీక‌రించిన సంగ‌తి తెలిసిందే. ఇప్పుడు మ‌రో యువ ద‌ర్శ‌కుడి క‌థ‌కూ గ్రీన్ సిగ్న‌ల్ ఇచ్చాడ‌ని తెలుస్తోంది. వీటిలో ఒక‌టి అయ్యాకే… ప‌ర‌శురామ్ తో సినిమా చేస్తానంటున్నాడ‌ట చైతూ. ఇలా ప‌ర‌శురామ్ ని దాటేయ‌డానికి కూడా ఓ రీజ‌న్ ఉంది.

స‌ర్కారు వారి పాట‌కు ముందే ఈ కాంబో ఓకే అయ్యింది. ఎప్పుడైతే.. ప‌ర‌శురామ్ లైన్‌లోకి మ‌హేష్ వ‌చ్చాడో.. అప్పుడు.. `మీ త‌ర‌వాత చేస్తా.. ముందు మ‌హేష్ తో సినిమా పూర్తి చేసుకొస్తా` అని చైతూకి చెప్పి వ‌చ్చేశాడు ప‌ర‌శురామ్. అప్పుడు త‌న‌ని వెయిటింగ్ లో పెట్టినందుకు.. చైతూ ఇలా స్వీట్ రివైంజ్ తీర్చుకొంటున్నాడ‌న్న‌మాట‌. వెంక‌ట్ ప్ర‌భుతో సినిమా మొద‌లెడితే క‌నీసం 7-8 నెల‌లు ఆ ప్రాజెక్టుతోనే ఉండాలి. అప్ప‌టి వ‌ర‌కూ ప‌ర‌శురామ్ వెయిట్ చేయాల్సిందే. లేదంటే మ‌రో హీరోతో డీల్ ఓకే చేసుకోవాలి.