రాజుగారి గ‌దితో తొలి హిట్టు అందుకున్నాడు ఓంకార్‌. ఆ సినిమా ఇచ్చిన స్ఫూర్తితో స్టార్ బ‌లాన్ని పెంచుకుంటూ రాజుగారి గ‌ది 2 తీశాడు. నాగార్జున‌, స‌మంత‌లాంటి స్టార్లు తోడైన ఈ చిత్రం కూడా మంచి విజ‌యాన్ని అందుకుంది. ఇప్పుడు రాజుగారి గ‌ది 3కి శ్రీ‌కారం చుట్ట‌బోతున్నాడు ఓంకార్‌. ఇప్ప‌టికే స్క్రిప్టు ప‌నులు ఓ కొలిక్కివ‌చ్చిన‌ట్టు టాక్‌. ఇందులోనూ నాగార్జున క‌థానాయ‌కుడిగా కనిపిస్తార‌ని తెలుస్తోంది. స‌మంత స్థానంలో మ‌రో క‌థానాయిక‌ని తీసుకునే అవ‌కాశాలున్నాయి. ప్ర‌స్తుతం `మన్మ‌థుడు 2` ప‌నులు ముమ్మ‌రంగా సాగుతున్నాయి. బ్ర‌హ్మాస్త్ర‌ని మిన‌హాయిస్తే నాగ్ చేతుల్లో ఉన్న సినిమా ఇదొక్క‌టే. మ‌న్మ‌థుడు 2 పూర్త‌యిన త‌ర‌వాతే.. రాజుగారి గ‌ది 3 ఉండ‌బోతోంద‌ని తెలుస్తోంది. స‌మంత‌ని మిన‌హాయిస్తే రాజుగారి గ‌ది 2లో క‌నిపించిన న‌టీన‌టులంతా పార్ట్ 3లోనూ క‌నిపిస్తార‌ని తెలుస్తోంది. పూర్తి వివ‌రాలు త్వ‌ర‌లో వెల్ల‌డ‌వుతాయి.