ర‌జ‌నీకాంత్ – లోకేష్ క‌న‌గ‌రాజ్ కాంబినేష‌న్‌లో రూపుదిద్దుకొంటున్న సినిమా ‘కూలీ’. ఇందులో నాగార్జున ఓ కీల‌క పాత్రలో క‌నిపిస్తార‌ని ప్ర‌చారం జోరుగా సాగింది. అయితే దీనిపై చిత్ర‌బృందం ఎప్పుడూ అధికారికంగా స్పందించ‌లేదు. ఈరోజు నాగ్ పుట్టిన రోజు. ఈ సంద‌ర్భంగా ‘కూలీ’లో నాగ్ లుక్‌ని విడుద‌ల చేసిన స‌ర్‌ప్రైజ్ చేసింది. ఇందులో నాగ్ సైమ‌న్ పాత్ర‌లో క‌నిపించ‌బోతున్నాడు. క‌ళ్ల‌జోడు, గోల్డెన్ రిస్ట్ వాచ్ తో నాగ్ మాస్ స్వాగ్‌… ఓ లెవ‌ల్ లో క‌నిపిస్తోంది. సినిమాలో చిన్న పాత్రనైనా ప‌వ‌ర్‌ఫుల్ గా చూపించ‌డం లోకేష్ క‌న‌గ‌రాజ్ స్పెషాలిటీ. నాగ్ పాత్ర‌ని ఆయ‌న ఎలా తీర్చుదిద్దుతార‌న్న‌ది ఆస‌క్తిక‌రం. ఇందులో నాగ్ నెగిటీవ్ రోల్ చేస్తున్నార‌ని కూడా అంటున్నారు. నాగ్ కెరీర్‌లో ఇప్ప‌టి వ‌ర‌కూ అలాంటి పాత్ర చేయ‌లేదు. నాగ్ గ‌నుక అలా చేస్తే క‌చ్చితంగా నాగ్ కు మైల్ స్టోన్ మూవీ అవుతుంది. ఈ రోజు నాగ్ పుట్టిన రోజు సంద‌ర్భంగా ‘కుబేర‌’ నుంచి కూడా ఓ లుక్ బ‌య‌ట‌కు వ‌చ్చింది. నిజానికి `కుబేర‌` నుంచి నాగ్ పాత్రని ప‌రిచ‌యం చేస్తూ ఓ టీజ‌ర్ విడుద‌ల చేద్దామ‌నుకొన్నారు. కానీ ఫస్ట్ లుక్‌తో స‌రిపెట్టారు.