నాని – విక్ర‌మ్ కె.కుమార్ కాంబినేష‌న్‌లో ఓ సినిమా తెర‌కెక్కుతున్న సంగ‌తి తెలిసిందే. ఇదో రొమాంటిక్ ఎంట‌ర్టైన‌ర్‌. నాని ఓ న‌వ‌లా ర‌చ‌యిత‌గా క‌నిపిస్తాడ‌ని ప్ర‌చారం జ‌రుగుతోంది. నానిని ప్లే బోయ్‌గా చూపిస్తార‌ని అంటున్నారు. టైటిల్ కూడా రేపు (ఆదివారం) ప్ర‌క‌టించ‌బోతున్నారు. అయితే ఈ సినిమాని `గ్యాంగ్ లీడ‌ర్` అనే పేరు ఫిక్స్ చేశార‌ని స‌మాచారం అందుతోంది. చిరంజీవి సూప‌ర్ హిట్ చిత్రాల‌లో ఇదొక‌టి. ఈ సినిమా టైటిల్‌ని వాడుకోవాల‌ని సాయిధ‌ర‌మ్ తేజ్‌, చ‌ర‌ణ్ ప్ర‌య‌త్నించారు. విన‌య విధేయ రామ‌కి గ్యాంగ్ లీడ‌ర్ అనే టైటిల్ ప‌రిశీలించారు. అయితే ఇప్పుడు ఆ అవ‌కాశం నాని ద‌క్కించుకోబోతున్నాడ‌ని టాక్‌. గ్యాంగ్ లీడ‌ర్ అంటే మాస్ స్టైల్‌లో కాదు. అదీ రొమాంటిక్ గానే. చుట్టూ అమ్మాయిలు… మ‌ధ్య‌లో నాని. అద‌న్న‌మాట టైటిల్ జ‌స్టిఫికేష‌న్. కానీ ఇలాంటి టైటిళ్లు పెట్ట‌డంలో రిస్క్ చాలా ఉంటుంది. ఆ రిస్కు తీసుకోవ‌డానికి నాని సిద్ధ‌మేనా అనేది డౌటు. టైటిల్ ఏంటో ఇంకొద్ది గంట‌ల్లో తేలిపోతుంది క‌దా?