న‌యిం చ‌రిత్ర త‌వ్వేకొద్దీ కొత్త నిజాలు, ఆశ్చర్య‌క‌ర‌మైన విష‌యాలూ బ‌య‌ట‌ప‌డుతున్నాయి. న‌యీంకి బ‌డా పోలీస్ ఆఫీస‌ర్ల‌తోనూ, మంత్రుల‌తోనూ లింకులున్నాయ‌న్న విష‌యం అర్థ‌మ‌వుతోంది. మ‌రి సినిమా స్టార్ల‌కూ న‌యీంకీ సంబంధాలున్నాయా?? టాలీవుడ్ చిత్ర ప‌రిశ్ర‌మ‌ని కూడా నయీం ప్ర‌భావితం చేశాడా? ఈ లెక్క‌ల‌న్నీ బ‌య‌ట‌పెడతానంటూ సంచ‌ల‌న ప్ర‌క‌ట‌న చేశాడు.. నిర్మాత నట్టికుమార్. సోమ‌వారం నట్టికుమార్ ఓ ప్రెస్ మీట్ ఏర్పాటు చేయ‌బోతున్నాడు. ఆ ప్రెస్‌మీట్‌లో నయీం, సినిమావాళ్ల‌కు మ‌ధ్య ఉన్న సంబంధాల్ని బ‌య‌ట‌పెడ‌తాన‌ని సంచ‌ల‌న ప్ర‌క‌ట‌న చేశాడు. ఇది ప‌బ్లిసిటీ కోస‌మా, లేదంటే నట్టికుమార్ ద‌గ్గర నిజంగానే ఇన్‌ఫ‌ర్మేష‌న్ ఉందా అనేది ఆస‌క్తిక‌రంగా మారింది. న‌యీంకీ సినిమా వాళ్ల‌కూ కొన్ని లింకులున్నాయ‌ని, నయీం సినిమా వాళ్ల‌ని త‌ర‌చూ క‌లిసేవాడ‌ని పోలీసుల‌కూ అనుమానం ఉంది. ఇప్పుడు దానికి సంబంధించిన నిజాలేమైనా బ‌య‌ట‌కు వ‌చ్చే అవ‌కాశాలున్నాయి. నట్టికుమార్ ఏం చెబుతాడో, ఎవ‌రి పేర్లు బ‌య‌ట‌కు లాడుతాడో అని మీడియా కూడా ఆస‌క్తిగా దృష్టి సారించింది. ఎప్పుడూ కాంట్ర‌వ‌ర్సీల‌కు కేరాఫ్ అడ్ర‌స్ గా నిలిచే నట్టికుమార్… ఈసారి ఎవ‌రిని టార్గెట్ చేశాడో??
న‌యీంతో టాలీవుడ్ లింకుల్ని బ‌య‌టపెడ‌తాడ‌ట
