జ‌న‌సేన వెనుక చాలామంది స్టార్లున్నారు. కానీ.. ఎన్నిక‌ల స‌మ‌యంలో వాళ్లెవ్వ‌రూ ముందుకు రావ‌డం లేదు. స్టార్ బ‌లం ఉన్నా – వాళ్ల సేవ‌లు జ‌న‌సేన ఉప‌యోగించుకోలేక‌పోతోంది. మొట్ట మొద‌టి సారి మెగా ఇంట్లోంచి ఓ స్టార్.. ప్ర‌చారంలో పాల్గొంది. త‌నే నిహారిక‌. నాగ‌బాబు త‌న‌య‌… త‌న తండ్రి కోసం ప్ర‌చార కార్య‌క్ర‌మంలో పాల్గొంది. నాగ‌బాబు జ‌న‌సేన త‌ర‌పున న‌ర‌సాపురం పార్ల‌మెంటు స్థానానికి పోటీ చేస్తున్న సంగ‌తి తెలిసిందే. అక్క‌డే నిహారిక ప్ర‌చారం చేసింది. అయితే ఈ రోడ్ షోకి… జ‌నాల స్పంద‌న అంతంత మాత్రంగానే సాగింది. నిహారిక రోడ్ షోకి వ‌స్తున్న సంగ‌తి తెలియ‌క‌పోవ‌డం, క్యాంపెనీయింగ్‌ని కూడా అప్ప‌టిక‌ప్పుడు ప్లాన్ చేయ‌డంతో జ‌నాన్ని స‌మీక‌రించుకోవ‌డం క‌ష్ట‌మైంది. నిజానికి ఎన్నిక‌ల ప్ర‌చారంలో వ‌రుణ్‌తేజ్ కూడా పాల్గొంటాడ‌ని జ‌నసేన కార్య‌క‌ర్త‌లు ఆశించారు. కానీ త‌ను ప్ర‌స్తుతం అమెరికాలో ఉన్నాడు. త‌న త‌దుప‌రి సినిమా కోసం మేకొవ‌ర్ కోసం బిజీగా గ‌డుపుతున్నాడు. వ‌రుణ్ వ‌స్తే… న‌ర‌సాపురంలో జ‌న‌సేన‌కు కాస్త ఊపు రావొచ్చు.