ఏ సినిమాకైనా ‘వ్యాపారం’ చాలా ముఖ్యం. బ‌య్య‌ర్లు ఎంత ఉత్సాహం చూపిస్తే.. ఆ సినిమాకి అంత ఊపొస్తుంది. కొన్ని సినిమాలు పూర్త‌యి, విడుద‌ల‌కు సిద్ధంగా ఉన్నా ఎవ్వ‌రూ దాని వంక క‌న్నెత్తి కూడా చూడ‌రు. ఇంకొన్ని సినిమాల‌కు అలా కాదు. కొబ్బ‌రికాయ కొట్ట‌క ముందే కొట్లొచ్చి ప‌డ‌తాయి. స‌రిగ్గా నిఖిల్ సినిమాకి అదే జ‌రిగింది. నిఖిల్ క‌థానాయ‌కుడిగా ‘ముద్ర‌’ అనే సినిమా తెర‌కెక్క‌బోతోంది. ఠాగూర్ మ‌ధు నిర్మాత‌. ఈ సినిమా ఇంకా కొబ్బ‌రికాయ కూడా కొట్టుకోలేదు. అంత‌లోనే.. శాటిలైట్ హ‌క్కులు అమ్ముడైపోయాయి. స్టార్ మా రూ.5.5 కోట్ల‌కు (తెలుగు, హిందీ క‌లిపి) రైట్స్‌ని కొనుగోలు చేసింది. నిఖిల్ తాజా చిత్రం ‘కిరాక్ పార్టీ’ ఆడింది అంతంత మాత్ర‌మే. అయినా స‌రే.. ఈ సినిమాకి ఈ రేంజులో శాటిలైట్ రావ‌డం విశేష‌మే అనుకోవాలి. టి.ఎన్. సంతోష్ ద‌ర్శ‌కత్వం వ‌హిస్తున్నాడు. ‘క‌ణిత‌న్‌’ అనే త‌మిళ చిత్రానికి రీమేక్ ఇది. మాతృక‌కు ద‌ర్శ‌క‌త్వం వ‌హించిన‌ది కూడా సంతోషే.