నిఖిల్ సినిమా అర్జున్ సుర‌వ‌రం మ‌రోసారి వాయిదా ప‌డింది. డిసెంబ‌రులో విడుద‌ల కావాల్సిన సినిమా ఇది. మార్చి 28న విడుద‌ల చేస్తామ‌న్నారు. ఇప్పుడు మే 1కి వెళ్లిపోయింది. బ‌య్య‌ర్ల కోరిక మేర‌కే.. ఈ సినిమా ని వాయిదా వేయాల్సివ‌చ్చింది టీమ్ చెబుతోంద‌ట‌. ఇది ప‌రీక్ష‌ల సీజ‌న్‌. దాంతో పాటు ఎన్నిక‌ల హ‌డావుడి.. ఐపీఎల్ కూడా మొద‌లైపోతోంది. ఈ ద‌శ‌లో.. ఈ సినిమాని ఇప్పుడు విడుద‌ల చేయ‌డం క‌రెక్ట్ కాద‌న్న‌ది బ‌య్య‌ర్ల‌మాట‌. ఈ విష‌య‌మై నిర్మాత‌తో చ‌ర్చించిన బ‌య్య‌ర్లు త‌మ పంతం గెలిపించుకున్నారు. మే 1న ఈ సినిమాని విడుద‌ల చేయాల‌ని నిర్ణ‌యం తీసుకున్నారు. నిజానికి ఏప్రిల్ 19న మ‌రో ఆప్ష‌న్ దొరికింది. అయితే ఆరోజున డ‌బ్బింగ్ బొమ్మ `కాంచ‌న 3` విడుద‌ల అవుతోంది. దాంతో పాటు నాని సినిమా `జెర్సీ` కూడా రానుంది. అందుకే 19 కంటే మే 1ని క‌రెక్ట్ అని నిర్ణ‌యం తీసుకున్నారు.