నితిన్‌కి ప‌వ‌న్ క‌ల్యాణ్ అంటే ఎంతిష్ట‌మో ప్ర‌త్యేకంగా చెప్పాల్సిన ప‌నిలేదు. దాదాపుగా త‌న ప్ర‌తీ సినిమాలోనూ ప‌వ‌న్‌కు సంబంధించిన రిఫ‌రెన్స్ క‌నిపిస్తుంటుంది. ప‌వ‌న్ పాటో, సీనో, మేన‌రిజ‌మో రిప్లికా చేస్తుంటాడు. ఈసారి ఏకంగా ప‌వ‌న్ క‌ల్యాణ్ టైటిలే పెట్టేసుకొన్నాడు. ప‌వ‌న్ సూప‌ర్ హిట్ల‌లో ఒక‌టైన ‘త‌మ్ముడు’ టైటిల్ తో నితిన్ సినిమా ఒక‌టి తెర‌కెక్కుతోంది. శ్రీ‌రామ్ వేణు ద‌ర్శ‌కుడు. ‘వ‌కీల్ సాబ్‌’తో రీసెంట్ గా హిట్ కొట్టాడు శ్రీ‌రామ్. ఆ సినిమా క‌మ‌ర్షియ‌ల్ గా బాగా ఆడింది. ప‌వ‌న్ ఫ్యాన్స్‌కూ న‌చ్చింది. ఇప్పుడు నితిన్ తో ‘త‌మ్ముడు’ రూపొందిస్తున్నాడు. ఈ సినిమా షూటింగ్ దాదాపుప 70 శాతం పూర్త‌య్యింది.

Read More : హిట్ కాంబోని రిపీట్ చేస్తున్న నితిన్‌

ప్ర‌స్తుతం ఆర్‌.ఎఫ్‌.సీలో ఓ భారీ యాక్ష‌న్ ఎపిసోడ్ రూపొందిస్తున్నారు. దాదాపు 70 మంది ఫైట‌ర్లు ఈ యాక్ష‌న్ సీన్ లో పాలు పంచుకొంటున్నారు. ప్రీ క్లైమాక్స్ లో వ‌చ్చే యాక్ష‌న్ సీన్ ఇది. నితిన్‌తో పాటు స‌ప్త‌మి గౌడ‌, ల‌య‌, టెంప‌ర్ వంశీ త‌దిత‌రులు ఈ యాక్ష‌న్ సీన్ లో క‌నిపిస్తారు. వీఎఫ్ఎక్స్‌కి చాలా ప్రాధాన్యం ఉన్న క‌థ ఇద‌ని తెలుస్తోంది. అందుకే టైమ్ కూడా ఎక్కువ ప‌డుతోంద‌ట‌. ఈ ఫైట్ లోనూ వీ.ఎఫ్‌.ఎక్స్‌కి ప్ర‌యారిటీ ఉంద‌ని టాక్‌. ఈ సినిమా కోసం ప‌వ‌న్ క‌ల్యాణ్ పాట‌ని రీమిక్స్ చేయ‌నున్నార‌ని ప్ర‌చారం జ‌రుగుతోంది. ఆ పాటేంటన్న‌ది ప్ర‌స్తుతానికి స‌స్పెన్స్‌. ‘త‌మ్ముడు’లో వ‌య్యారి భామ పాట చాలా పెద్ద హిట్. దాన్ని రీమిక్స్ చేసినా ఆశ్చ‌ర్యం లేదు.