నితిన్ – చంద్ర‌శేఖ‌ర్ ఏలేటి కాంబినేష‌న్ లో ఓ సినిమా రూపుదిద్దుకుంటోంది. ర‌కుల్‌, ప్రియా వారియ‌ర్ క‌థానాయిక‌లు. ఈ సినిమాకి `చెక్` అనే టైటిల్ పెట్ట‌నున్నార‌ని ముందు నుంచీ ప్ర‌చారం జ‌రుగుతోంది. ఇప్పుడు అదే ఖాయం చేసేశారు. ఈ సినిమాకి `చెక్` అనే టైటిల్ నిర్ణ‌యిస్తూ.. ఫ‌స్ట్ లుక్ విడుద‌ల చేశారు.
జైలు నేప‌థ్యంలో సాగే క‌థ ఇది. అందుకు త‌గ్గ‌ట్టే ఫ‌స్ట్ లుక్ ఉంది. ఇందులో నితిన్ ఉరిశిక్ష ప‌డిన ఖైదీ గా న‌టిస్తున్నాడు. జైల్లోంచి త‌ప్పించుకోవ‌డానికి నితిన్ వేసే ఎత్తుల నేప‌థ్యంలో జ‌రిగే క‌థ ఇది. స్క్రీన్ ప్లే చ‌ద‌రంగం ఆట‌లా ర‌స‌వ‌త్త‌రంగా ఉండ‌బోతోంద‌ట. అందుకే ఈ టైటిల్ నిర్ణ‌యించారు. చిత్రీక‌ర‌ణ తుది ద‌శ‌లో ఉంది.
