రేపు మెగాస్టార్‌ చిరంజీవి పుట్టిన‌రోజు. ఈ సంద‌ర్భంగా చిరంజీవి ‘విశ్వంభ‌ర’ టీజ‌ర్ వ‌స్తుంద‌ని అభిమానులంతా ఆశ‌గా ఎదురు చూస్తున్నారు. అయితే ‘విశ్వంభ‌ర’ టీజ‌ర్ రావ‌ట్లేదు.
నిజానికి ఒక నిమిషం నిడివిగ‌ల టీజ‌ర్‌ని చిత్ర‌బృందం క‌ట్ చేసింది. చిరు పుట్టిన రోజున రిలీజ్ చేయాల‌ని ప్లాన్ చేశారు. అయితే రేపు చిరు ‘ఇంద్ర’, ‘శంక‌ర్ దాదా ఎంబీబీఎస్’ చిత్రాలు రీ రిలీజుకు రెడీ అయ్యాయి. ఈ హంగామా మ‌ధ్య ‘విశ్వంభ‌ర’ టీజ‌ర్ విడుద‌ల చేయ‌డం మంచిది కాద‌ని చిరు ‘నో’ చెప్పార‌ని స‌మాచారం. పైగా ‘విశ్వంభ‌ర’ సినిమాకు ఇంకా చాలా టైమ్ ఉంది. జ‌న‌వ‌రి 10న సంక్రాంతి కానుక‌గా విడుద‌ల చేస్తున్నారు. వినాయ‌క చ‌వితికి టీజ‌ర్ విడుద‌ల చేసి, అప్ప‌ట్నుంచి పాట‌లు కూడా ఒకొక్క‌టిగా ప్రేక్ష‌కుల ముందుకు తీసుకెళ్లే ఆలోచ‌న‌లో ఉంది చిత్ర‌బృందం.
త్రిష క‌థానాయిక‌గా న‌టించిన ఈ చిత్రానికి ఎం.ఎం.కీర‌వాణి సంగీతాన్ని అందిస్తున్నారు. రెండు పాట‌లు, కాస్త ప్యాచ్ వ‌ర్క్ మిన‌హా ‘విశ్వంభ‌ర’ షూటింగ్ పూర్త‌య్యింది. అందులో హీరో ఇంట్ర‌డ‌క్ష‌న్ సాంగ్ ఒక‌టి, ఐటెమ్ గీతం ఒక‌టి ఉన్నాయి. ఐటెమ్ పాట కోసం క‌థానాయిక కోసం అన్వేష‌ణ జ‌రుగుతోంది. ఆ హీరోయిన్ ఫిక్స‌యిపోతే, ఈ రెండు పాట‌ల్నీ ఒకే షెడ్యూల్ లో పూర్తి చేసే అవ‌కాశం ఉంది.
