కొబ్బరికాయ్ కొట్టినరోజే రిలీజ్ డేట్ ఇచ్చే ట్రెండ్ పూరి జగన్నాథ్ మొదలుపెట్టారు. ఆయన చాలా వరకూ అలా రిలీజ్ చేయడంలో సక్సెస్ అయ్యారు కూడా. అయితే మారిన పరిస్థితులు అనూహ్యమైన అవాంతరాలు కారణంగా గత కొన్ని సినిమాలని చెప్పిన డేట్ కి రిలీజ్ చేయలేని పరిస్థితి నెలకొంది. అయితే ఇప్పుడీ ట్రెండ్ ని ప్రశాంత్ నీల్ కొనసాగిస్తున్నారు. ఈ రోజు ఎన్టీఆర్, ప్రశాంత్ నీల్ సినిమాకి కొబ్బరికాయ్ కొట్టారు. రామానాయుడు స్టూడియోస్ లో ఈ వేడుక జరిగింది. ముహూర్తం రోజే రిలీజ్ డేట్ కూడా అనౌన్స్ చేశారు. 2026 జనవరి 9న ఈ సినిమాని ప్రేక్షకుల ముందుకు తీసుకోస్తున్నట్లు అనౌన్స్ చేశారు. అంటే 2026 సంక్రాంతి బరిలోకి ఎన్టీఆర్ ఫిక్స్ అయినట్లే. ఈ సినిమాకి డ్రాగన్ అనే టైటిల్ పరిశీలనలో వుంది. అయితే టైటిల్ ఇంకా అఫీషియల్ అనౌన్స్మెంట్ రావాల్సిందివుంది.