రామ్ గోపాల్ వర్మకి మంచి తెలివికల వ్యక్తీ అని అందరికి తెలిసిందే. ప్రజల్లో తన సినిమాని ఎలా పబ్లిసిటీ చేసుకోవాలో బాగా తెలుసు. కానీ ఒక విషయంలో మాత్రం వర్మ ఆలోచిస్తున్నాడు అంటున్నారు సిని జనం. క్రైమ్ సినిమాలంటే కేరాఫ్ అడ్రెస్ గా ఉండే రామ్ గోపాల్ వర్మ.. తాజాగా జరుగుతున్న ఘటనలపై ఏమాత్రం స్పందించడం లేదు.
గతంలో ముంబై మారణహోమం జరిగినప్పుడు.. అక్కడికి వెళ్లి మరీ కొన్ని వివరాలు తెలుసుకున్నాడు. ఇప్పుడు మూడు, నాలుగు రోజులుగా పంజాబ్ లోని పఠాన్ కోట్ లో పెద్ద ఆపరేషన్ జరుగుతోంది. భద్రతా బలగాలు టెర్రరిస్టుల మధ్య ఇంత భారీ ఆపరేషన్ జరుగుతున్నా.. వర్మ కనీసం దాని మీద స్పందించకపోవడం సినీ జనానికి విడ్డూరంగా కనిపిస్తోంది.
అయితే తనకు తెలిసిన విషయాల మీదే వర్మ సినిమా చేసేందుకు సిద్ధమవుతాడు కాని తెలియని విషయాల పట్ల తెలుసుకుని చేసేంత తెలివి వర్మకు లేదా అంటూ సెటైర్స్ వేస్తున్నారు నెటిజెన్లు. అంతేకాదు పఠాన్ కోట్ ఆపరేషన్ వర్మను టచ్ చేయలేదా అంటూ ఇంటర్ నెట్ లో హడావిడి చేస్తున్నారు. మరి వర్మ ముందు ఉన్న ఈ సవాల్ ను స్వీకరించి పఠాన్ కోట్ లో ఆపరేషన్ తో కూడా సినిమా తీస్తున్నా అని ప్రకటించే రోజు కోసం వెయిట్ చేస్తున్నారు వర్మ అభిమానులు. ప్రస్తుతం కిల్లింగ్ వీరప్పన్ సక్సెస్ ను ఎంజాయ్ చేస్తున్న వర్మ ‘వంగవీటి’ అనే టైటిల్ తో ఓ సినిమా ప్రకటించిన సంగతి తెలిసిందే.
