ప‌వ‌న్ క‌ల్యాణ్‌లో చాలా క‌ళ‌లున్నాయి. త‌ను క‌థ‌కుడు, ద‌ర్శ‌కుడు, కొరియోగ్రాఫ‌ర్‌, గాయ‌కుడు. `డాడీ`లో ఓ ఫైట్ సీక్వెన్స్‌కి ప‌వ‌న్ డైరెక్ష‌న్ చేసిన సంగ‌తి మెగా అభిమానులకు గుర్తుండే ఉంటుంది. ఇప్పుడు మ‌రోసారి… ప‌వ‌న్ యాక్ష‌న్ ఎపిసోడ్ కి ద‌ర్శ‌క‌త్వం వ‌హించిన‌ట్టు టాక్.

ప‌వ‌న్ క‌ల్యాణ్ క‌థానాయ‌కుడిగా `హ‌రి హ‌ర వీర‌మ‌ల్లు` తెర‌కెక్కుతున్న సంగ‌తి తెలిసిందే. క్రిష్ ద‌ర్శ‌క‌త్వం వ‌హిస్తున్న చిత్ర‌మిది. ఏఎం ర‌త్నం నిర్మాత‌. ఈ చిత్రంలోని ఓ భారీ యాక్ష‌న్ ఎపిసోడ్‌ని ఇటీవ‌లే పూర్తి చేశారు. ఈ యాక్ష‌న్ సీన్ కోసం దాదాపు 40 రోజులు క‌ష్ట‌ప‌డింది చిత్ర‌బృందం. ఈ సీక్వెన్స్ అంతా ప‌వ‌న్ క‌ల్యాణ్ ఆధ్వ‌ర్యంలోనే సాగింద‌ని స‌మాచారం. విశ్రాంతి ముందొచ్చే కీల‌క‌మైన యాక్ష‌న్ ఎపిసోడ్ ఇది. ఇది పూర్త‌వ్వ‌గానే ఇంట్ర‌వెల్ వ‌స్తుంది. వెండి తెర‌పై దాదాపుగా 15 నిమిషాల పాటు క‌నిపించ‌నుంది. ప‌వ‌న్ క‌ల్యాణ్ కెరీర్‌లోనే ఇదే అతి పెద్ద యాక్ష‌న్ ఎపిసోడ్ అని తెలుస్తోంది. ర‌త్నం కూడా ఈ ఫైట్ సీక్వెన్స్‌కి చాలా ఖ‌ర్చు పెట్టారు. ఇలాంటి ఎపిసోడ్ మ‌రోటి క్లైమాక్స్ లో రాబోతోంది. ఈ రెండు సీక్వెన్స్ `హ‌రి హ‌ర వీర‌మ‌ల్లు`లో స్పెష‌లాఫ్ ఎట్రాక్ష‌న్ గా నిల‌వ‌బోతున్నాయ‌ని టాక్‌.