న‌టుడిగా నంద‌మూరి బాల‌కృష్ణ 50 ఏళ్ల‌ను పూర్తి చేసుకొంటున్న శుభ‌త‌రుణ‌మిది. అందుకే తెలుగు చిత్ర‌సీమ బాల‌య్య‌ను ఘ‌నంగా స‌న్మానించాల‌ని నిర్ణయించింది. సెప్టెంబ‌రు 1న హైద‌రాబాద్ లో బాల‌య్య సన్మాన కార్య‌క్ర‌మం జ‌రుగుతోంది. ఈ వేడుకకు టాలీవుడ్ లోని ప్ర‌ముఖ న‌టీన‌టులు, సాంకేతిక నిపుణులు హాజ‌రు కానున్నారు. ప‌వ‌న్ క‌ల్యాణ్ సైతం ఈ వేడుక‌లో భాగం పంచుకోనున్నారు. ఏపీ ముఖ్య‌మంత్రి చంద్ర‌బాబు నాయుడు, తెలంగాణ ముఖ్య‌మంత్రి రేవంత్ రెడ్డి ముఖ్య అతిథులుగా పాలుపంచుకోనున్నార‌ని తెలుస్తోంది. బాలీవుడ్ నుంచి ఓ స్టార్ సైతం ఈ ఈవెంట్ లో మెరిసే అకాశాలు ఉన్నాయ‌ని స‌మాచారం. చిరంజీవి, నాగార్జున‌, వెంక‌టేష్‌… ఇలా అగ్ర క‌థానాయ‌కులంతా ఒకే చోట‌కు చేరే అవ‌కాశం ఉంది.

మ‌రోవైపు ఈ ఈవెంట్ టెలీకాస్ట్ ఎవ‌రు చేస్తారు? యూ ట్యూబ్‌లో అంద‌రూ లైవ్ చూసే అవ‌కాశం ఉందా? లేదా టీవీ ఛాన‌ల్ కి గానీ, ఓటీటీ సంస్థ‌కు కానీ రైట్స్ ఇస్తారా? అనే విష‌యంలో ఆస‌క్తిక‌ర‌మైన చ‌ర్చ న‌డుస్తోంది. శ్రేయాస్ మీడియా సంస్థ దాదాపు రూ.2 కోట్ల‌తో ఈ ఈవెంట్ నిర్వ‌హించే బాధ్య‌త తీసుకొంద‌ని స‌మాచారం. ఆమాత్రం ఖ‌ర్చు చేసిన‌ప్పుడు రైట్స్ ఎవ‌రికైనా ఇస్తే బాగుంటుంద‌ని నిర్వాహ‌కులు భావిస్తున్నారు. ఈ విష‌యంలో త్వ‌ర‌లోనే క్లారిటీ రానుంది.