ఆర్‌.ఎక్స్ 100తో ఒక్క‌సారిగా వెలుగుల‌లోకి వ‌చ్చింది పాయ‌ల్ రాజ్‌పుత్‌. ఆ క్యారెక్ట‌ర్ ఇంపాక్టో, పాయ‌ల్ గ్లామ‌ర్ తెలీదో గానీ – ఆ పాత్ర యువ హృద‌యాల మ‌న‌సుల్లో నాటుకు పోయింది. దాంతో పాటు పాయ‌ల్ కి చాలా ఛాన్సులొచ్చాయి. కానీ.. ఏదీ నిల‌బెట్టుకోలేక‌పోయింది. లేడీ ఓరియెంటెడ్ పాత్ర‌ల‌పై దృష్టి పెట్టింది. అక్క‌డా క‌ల‌సి రాలేదు. `వెంకీ మామ‌` హిట్ట‌యినా.. ఫ‌లితం ద‌క్క‌లేదు. ఆసినిమాలో త‌న‌ని మ‌రీ ఆంటీగా చూపించార‌ని వాపోయింది.

ఇప్పుడు పాయ‌ల్‌కి ఓ గోల్డెన్ ఛాన్స్ ద‌క్కింది. త్వ‌ర‌లోనే… క‌మ‌ల్ హాస‌న్ సినిమాలో ఐటెమ్ గీతంలో న‌ర్తించ‌బోతోంద‌ట‌. క‌మ‌ల్ – శంక‌ర్ కాంబినేష‌న్‌లో రూపొందుతున్న చిత్రం `ఇండియ‌న్ 2`. కాజ‌ల్ క‌థానాయిక‌. ఇందులో ఓ ప్ర‌త్యేక గీతం ఉంద‌ని, ఆ పాట‌లో పాయ‌ల్ క‌నిపిస్తుంద‌ని ప్ర‌చారం జ‌రుగుతోంది.

అదే నిజ‌మైతే ఈ పాట‌తో పాయ‌ల్ ద‌శ తిరిగిన‌ట్టే. శంక‌ర్ సినిమాల‌న్నీ భారీగా ఉంటాయి. పైగా పాట‌లు తెర‌కెక్కించ‌డంలో ఆయ‌న దిట్ట‌. శంక‌ర్ సినిమాలో ఒక్క పాట‌లో క‌నిపించినా – ఆ క్రేజ్ మామూలుగా ఉండ‌దు. పైగా ఇది పాన్ ఇండియా ప్రాజెక్టు. అందుకే… పాయ‌ల్ జాత‌కం ఈ సినిమాతో మార‌డం గ్యారెంటీ అనిపిస్తోంది. పాయ‌ల్ ఎంపిక దాదాపు లాంఛ‌నమే అని తెలుస్తోంది. శంక‌ర్ – క‌మ‌ల్ మ‌దిలో మ‌రో క‌థానాయిక త‌గిలితే చెప్ప‌లేం గానీ, అంత వ‌ర‌కూ పాయ‌ల్‌నే ప్ర‌ధాన ఆప్ష‌న్‌.