మ‌హాన‌టితో తెలుగునాట మంచి గుర్తింపు తెచ్చుకుంది కీర్తి సురేష్‌. త‌న కొత్త సినిమా `పెంగ్విన్‌` ఇప్పుడు ఓటీటీలో నేరుగా విడుద‌ల కాబోతోంది. ఆమేజాన్ ప్రైమ్‌లో ఈనెల 19న ఈ చిత్రాన్ని విడుద‌ల చేస్తున్నారు. తెలుగు, త‌మిళ‌, క‌న్న‌డ‌, మ‌ల‌యాళ భాష‌ల్లో రూపొందించిన ఈచిత్రానికి కార్తీక్ సుబ్బ‌రాజు నిర్మాత‌. ఈరోజు స‌రిగ్గా 12 గంట‌ల‌కు `పెంగ్విన్‌` టీజ‌ర్‌ని స‌మంత‌, తాప్పి, త్రిష‌, మంజువారియ‌ర్ ల చేతుల మీదుగా సోష‌ల్ మీడియాలో విడుద‌ల చేశారు.

చుట్టూ ద‌ట్ట‌మైన అడ‌వి, జ‌ల‌పాతాలు, సెల‌యేర్లు.. వీటి మ‌ధ్య ఓ చిన్న కుటుంబం. అందులో బిడ్డ‌ని కోల్పోయిన త‌ల్లి ఆవేద‌న‌. ఇదీ… క‌థ‌. ఆ బిడ్డ ఏమైంది? అనే పాయింట్‌పై క‌థ సాగ‌బోతోంద‌ని టీజ‌ర్ చూస్తే అర్థ‌మ‌వుతోంది. ఇదో థ్రిల్ల‌ర్‌. సైకో ల‌క్ష‌ణాలున్న విల‌న్ కూడా కనిపించ‌బోతున్నాడ‌ని లాస్ట్ షాట్ ద్వారా అర్థ‌మ‌వుతోంది. థ్రిల్ల‌ర్ చిత్రాల‌కు ఇప్పుడు గిరాకీ బాగానే ఉంది. ఓటీటీ ఫ్లాట్‌ఫామ్స్‌లో ఎక్కువ ఆద‌ర‌ణ‌కు నోచుకున్న‌వి కూడా థ్రిల్ల‌ర్సే. ఓ టీ టీ ద్వారా నేరుగా విడుద‌ల అవుతున్న తొలి పెద్ద సినిమా… ఇదే. కాబ‌ట్టి… ప్రేక్ష‌కుల దృష్టి ఈ సినిమా వైపు ప‌డే అవ‌కాశాలు పుష్క‌లంగా ఉన్నాయి. ఈనెల 11న ట్రైల‌ర్ విడుద‌ల కానుంది. అది చూశాక ఈ సినిమాపై ఓ అంచ‌నాకు రావొచ్చు.

Here we go! A mother’s worst nightmare comes true. #PenguinOnPrime premieres June 19. @PrimeVideoIN⁰⁰ @EashvarKarthic @karthiksubbaraj @Music_Santhosh @KharthikD @Anilkrish88 @SaktheeArtDir @StonebenchFilms @PassionStudios_ @kaarthekeyens @sudhans2017 @SonyMusicSouth pic.twitter.com/FAWo8peRc1

— Keerthy Suresh (@KeerthyOfficial) June 8, 2020