డీజే టీజ‌ర్ల‌లో, ట్రైల‌ర్ల‌లో స్పెష‌లాఫ్ ఎట్రాక్ష‌న్‌గా నిలిచింది పూజా హెగ్డే. ఈ సినిమాతో పూజా.. ఎక్క‌డికో వెళ్లిపోవ‌డం ఖాయ‌మ‌ని ఫిల్మ్‌న‌గ‌ర్ జ‌నాలు చెబుతున్నారు. అల్లు అర్జున్‌, అర‌వింద్‌, హ‌రీష్‌, దిల్‌రాజు… వీళ్లంతా పూజాకి కాంప్లిమెంట్ల‌పై కాంప్లిమెంట్లు ఇచ్చేస్తున్నారు. దానికి త‌గ్గట్టుగానే పూజాకి కొత్త ఆఫ‌ర్లు వ‌రుస‌క‌డుతున్నాయి. బెల్లంకొండ శ్రీ‌నివాస్‌తో పూజా జ‌త క‌ట్టే అవ‌కాశాలున్నాయ‌ని టాలీవుడ్ టాక్‌. శ్రీ‌నివాస్ – శ్రీ‌వాస్ కాంబినేష‌న్‌లో ఓ చిత్రం తెర‌కెక్కుతున్న సంగ‌తి తెలిసిందే. సోమ‌వారం రామోజీ ఫిల్మ్‌సిటీలో ఈ చిత్రానికి శ్రీ‌కారం చుట్టారు. ఇందులో క‌థానాయిక‌గా పూజాని ఎంచుకొన్నార‌ని స‌మాచారం. డీజే త‌ర‌వాత‌.. పూజా చేయ‌బోతున్న సినిమా ఇదే. ఈ సినిమా కోసం పూజాకి ఏకంగా రూ.1 కోటి పారితోషికం ఇవ్వ‌బోతున్నార్ట‌. డీజే విడుద‌లై.. హిట్ట‌యితే పూజా పారితోషికం మ‌రింత పెరిగే అవ‌కాశాలున్నాయి. అందుకే ముందే.. నిర్మాత‌లు క‌ర్చీఫ్‌లు సిద్ధం చేసేసుకొంటున్నారు.