యంగ్ రెబ‌ల్‌స్టార్ ప్రభాస్ ప్రస్తుతం రెండు పడవల మీద ప్రయాణం చేస్తున్నాడు. అందులో ఓ పడవ పెద్దది… తెలుగు, తమిళ, హిందీ భాషల్లో భారీ బ‌డ్జెట్‌తో తెరకెక్కుతున్న ‘సాహో’. అందుకని, ఆ సినిమా కోసం ఎక్కువ సమయం కేటాయిస్తున్నారు. మధ్య మధ్యలో ‘జిల్’ ఫేమ్ రాధాకృష్ణ దర్శకత్వంలో ప్రారంభించిన ప్రేమకథ షూటింగ్ చేస్తున్నాడు. ఇది ప్రభాస్ హీరోగా నటిస్తున్న ఇరవైయ్యో సినిమా. రెండూ సొంత మనషుల సినిమాలే కాబట్టి సమస్యలు ఎదురు కావడం లేదు.
నిన్న మొన్నటి వరకూ ‘సాహో’ షూటింగ్ చేసిన ప్రభాస్, ప్రస్తుతం రాధాకృష్ణ దర్శకత్వంలో నటిస్తున్న సినిమా కొత్త షెడ్యూల్ చిత్రీకరణలో పాల్గొంటున్నాడు. హీరో హీరోయిన్లపై కీలక సన్నివేశాలు చిత్రీకరిస్తున్నారు. ఆదివారం కృష్ణంరాజు పుట్టినరోజు కాబట్టి షూటింగుకు సెలవు ప్రకటించార్ట. 2019లో ఈ సినిమా సెట్స్ మీదకు వెళ్లడం ఈ షెడ్యూల్‌తోనే మొదలు. ఇంతకుముందు రోమ్‌లో ఓ షెడ్యూల్, తరవాత హైద‌రాబాద్‌లో కొన్ని రోజులు చిత్రీకరణ చేశారు. ప్రేమకథ కనుక దర్శకుడు రాధాకృష్ణ చకచకా సన్నివేశాలు తీస్తున్నార్ట. ఇందులో పూజా హెగ్డే హీరోయిన్‌గా నటిస్తున్న సంగతి తెలిసిందే.
