ప్రభాస్ చాలాకాలం నుంచి మోకాలి స‌మ‌స్య‌తో బాధ ప‌డుతున్నారు. ఇప్పుడు స‌ర్జ‌రీ అవ‌స‌రమైంది. అందుకోసం యూకే బ‌య‌ల్దేరారు ప్రభాస్. ఆదివారం ఆయ‌న యూకే వెళ్లిన‌ట్టు స‌మాచారం. ఈవారంలోనే ప్రభాస్ కి స‌ర్జ‌రీ జ‌ర‌గ‌బోతోంది. ఆప‌రేష‌న్ అయిన త‌ర‌వాత మ‌రో 15 రోజులు ప్రభాస్ అక్క‌డే ఉండే అవ‌కాశం ఉంది. ఆ త‌ర‌వాతే.. స్వ‌దేశానికి వ‌స్తారు. ఇక్క‌డికి వ‌చ్చిన త‌ర‌వాత కూడా 4 వారాలు ఆయ‌న ఇంటిప‌ట్టునే ఉంటారు. స‌లార్‌కి సంబంధించిన ప‌నుల‌న్నీ పూర్త‌య్యాయి. స‌లార్ ప్ర‌మోష‌న్ల కోసం ప్రభాస్ అందుబాటులోకి వ‌స్తారు. ఆ త‌ర‌వాత.. మారుతి సినిమా షూటింగ్ లో పాల్గొంటారు. ప్రభాస్ – మారుతి కాంబోలో ఓ సినిమా రూపుదిద్దుకొంటున్న సంగ‌తి తెలిసిందే. ప్ర‌స్తుతం.. ఈ సినిమా షూటింగ్ జ‌రుగుతోంది. ప్రభాస్ లేని కొన్ని కీల‌క‌మైన స‌న్నివేశాల్ని మారుతి పూర్తి చేయ‌నున్నారు.
స‌ర్జ‌రీ కోసం విదేశాల‌కు ప్రభాస్
