గ‌త కొంత‌కాలంగా మీడియా సంస్థ‌ల‌కు ఇంట‌ర్వ్యూలు ఇస్తున్న ఎన్నిక‌ల వ్యూహాక‌ర్త ప్ర‌శాంత్ కిషోర్… దేశంలో ఏ పార్టీకి ఎన్ని సీట్లు రాబోతున్నాయి, ఏ రాష్ట్రంలో ఎన్ని ఏ పార్టీ పొజిష‌న్ ఏంటీ అన్న వాటిపై కామెంట్స్ చేస్తున్నారు. తాజాగా ప్ర‌ముఖ జ‌ర్న‌లిస్ట్ క‌ర‌ణ్ థాప‌ర్ కు ఇంట‌ర్వ్యూ ఇచ్చారు. ఆ ఇంట‌ర్వ్యూలో క‌ర‌ణ్ థాప‌ర్ స్టైల్ ప్ర‌శ్న‌ల‌కు పీకే త‌డ‌బ‌డ‌క త‌ప్ప‌లేదు.

మీరు ప్ర‌జ‌ల‌నాడిని చెప్పుకుంటూ వ‌స్తున్నారు… మ‌రీ, హిమాచ‌ల్ ప్ర‌దేశ్ లో కాంగ్రెస్ ఓడిపోతుంద‌ని చెప్పారు. కానీ అక్క‌డ కాంగ్రెస్ గెలిచింది. తెలంగాణ‌లోనూ బీఆర్ఎస్ గెలుస్తుంద‌న్నారు. కానీ ఓడిపోయింది… వీటి సంగ‌తేంటీ అని ప్ర‌శ్నించారు.

ఇందుకు పీకే తాను హిమాచ‌ల్ లో కాంగ్రెస్ ఓడిపోతుంద‌ని ఎక్క‌డా చెప్ప‌లేద‌ని… అదంతా మీడియా సృష్టేనంటూ కామెంట్ చేశారు. కానీ కర‌ణ్ త‌న‌దైన స్టైల్ లో గుచ్చి గుచ్చి అడుగుతూ, డేట్ తో స‌హా చెప్తూ… మీరు కామెంట్ చేశారు అంటూ పీకేను ప్ర‌శ్నించ‌గా, పీకే కాదంటే కాదు… నేను అన‌లేదంటూ చెప్పుకొచ్చారు.

ఇప్పుడు ఈ ఇంట‌ర్వ్యూ బిట్ సోష‌ల్ మీడియాలో వైర‌ల్ అవుతోంది. కొంద‌రైతే క‌ర‌ణ్-పీకే ఇంట‌ర్వ్యూలో పీకే కామెంట్ చేసిన ట్వీట్ స్క్రీన్ షాట్ పెట్టి మ‌రీ హోరెత్తిస్తున్నారు.

https://x.com/rohini_sgh/status/1793345332677595150?s=46