పూరి జ‌గ‌న్నాథ్ సినిమా అన‌గానే ప‌వ‌ర్ ఫుల్ డైలాగులు, హీరోయిజంతో పాటు అలీ క్యారెక్ట‌ర్ కూడా గుర్తుకురాక మాన‌దు. పూరి త‌న సినిమాల్లో అలీకి మంచి పాత్ర‌లు రాశాడు. ఆ ట్రాకులు భ‌లేగా వ‌ర్క‌వుట్ అయ్యాయి. పూరి సినిమా అన‌గానే ఇందులో అలీ క్యారెక్ట‌ర్ ఎలా ఉంటుందో? అని అంద‌రూ ఎదురు చూసేలా చేశాడు. ఇప్పుడు `డ‌బుల్ ఇస్మార్ట్`లో కూడా అలీ క్యారెక్ట‌ర్ అదిరిపోయింద‌ని ఇన్ సైడ్ వ‌ర్గాలు చెబుతున్నాయి.

Also Read : డ‌బుల్ ఇస్మార్ట్‌’ ఓటీటీ @ రూ.33 కోట్లు

‘ఇస్మార్ట్ శంక‌ర్‌’లో అలీ లేడు. కానీ ‘డ‌బుల్ ఇస్మార్ట్’ మాత్రం అలీ పాత్ర‌ని ప్ర‌త్యేకంగా డిజైన్ చేశాడు పూరి. ఇందులో అలీ గెట‌ప్పే చిత్రంగా ఉంటుంద‌ని తెలుస్తోంది. ఈ ట్రాక్ బీ,సీ సెంట‌ర్ల‌లో బాగా వ‌ర్క‌వుట్ అవుతుంద‌ని చిత్ర‌బృందం ధీమాగా చెబుతోంది. ‘డ‌బుల్ ఇస్మార్ట్’ ప‌నుల‌న్నీ పూర్త‌య్యాయి. టీమ్ మొత్తం ఫైన‌ల్ కాపీ చూసుకొంది. అవుట్ పుట్ ప‌ట్ల పూరి అండ్ కో ఫుల్ హ్యాపీగా ఉంది. ఆగ‌స్టు 15న ఈ సినిమాని విడుద‌ల చేస్తున్న సంగ‌తి తెలిసిందే. సంజ‌య్‌ద‌త్ ప్ర‌తినాయ‌కుడిగా క‌నిపించ‌బోతున్నాడు. రామ్ – సంజ‌య్‌ద‌త్ ల మైండ్ గేమ్ ఈ సినిమాకు ప్ర‌ధాన ఆక‌ర్ష‌ణ అని తెలుస్తోంది. ఇప్ప‌టికే ఈ సినిమా నుంచి వ‌చ్చిన మాస్ పాట‌లు జ‌నంలోకి వెళ్లిపోయాయి. ఆడియో ప‌రంగా మ‌ణిశ‌ర్మ త‌న మార్క్ చూపించాడు. అందుకే ‘డ‌బుల్ ఇస్మార్ట్‌’పై అంచ‌నాలు మ‌రింత‌గా పెరిగాయి. `లైగ‌ర్‌`తో డిజాస్ట‌ర్ లో ప‌డిన పూరి.. ఈ సినిమాతో మ‌ళ్లీ క‌మ్ బ్యాక్ అవ్వాల‌ని ఆయ‌న అభిమానులు ఆశిస్తున్నారు.