తన హత్యకు కుట్రలు చేస్తున్నారని చంద్రబాబు ఏసీబీ కోర్టు న్యాయమూర్తికి రాసిన లేఖ పై ప్రెస్ మీట్ పెట్టిన జైలర్ రవికిరణ్ రెడ్డి … అన్నీ నిజాలేనని ఒప్పుకున్నారు. అయితే వాటిని ఎందుకు గోప్యంగా ఉంచారు.. చంద్రబాబు చెప్పే వరకూ ఎందుకు బయటపెట్టలేదు అన్నది మాత్రం కీలకంగా మారింది. చంద్రబాబు ఆరోగ్య పరిస్థితిపైనా రవికిరణ్ రెడ్డి ఘోరమైన కుట్రలు చేస్తున్నట్లుగా ఆయన మాటల్లోనే వెల్లడవుతోంది.
మావోయిస్టుల పేరుతో లేఖ నిజం – కానీ ఫేక్ అట !
చంద్రబాబు హత్యకు కుట్ర పన్నినట్లుగా లేఖ వచ్చిన మాట నిజమేనని అయితే లోతుగా దర్యాప్తు జరిపామని అది ఫేక్ అని తేల్చామని ఎస్పీతో పాటు రవికిరణ్ రెడ్డి చెప్పారు. ఆ ఫేక్ అయితే ఎవరు రాశారు.. ఎందుకు రాశారు.. ఆ వివరాలు మాత్రం బయటపెట్టలేదు. నోటి మాటగా దర్యాప్తు చేశాం.. ఫేక్ అని చెప్పుకొచ్చారు. ఇక్కడే వారి కుట్రలు బయటపడ్డాయి.
ఓ ఖైదీ బటన్ కెమెరాతో తిరిగింది నిజం !
బటన్ కెమెరాలు పెట్టుకుని జైల్లోకి..అదీ చంద్రబాబు ఉన్న బ్యారక్ దగ్గరకు ఎలా వస్తాడు ?. చంద్రబాబు జడ్జికి కంప్లైంట్ చేసే వరకూ ఈ విషయం తెలియదు. రవికిరణ్ రెడ్డి నిజమేనని అంగీకరించాడు. కానీ పట్టుకున్నామని విచారణ చేస్తున్నామన్నారు. ఎన్ని రోజులు విచారణ చేస్తారో వారికే తెలియదు. అందులో ఆ ఖైదీ ఫ్యామిలీ ఫోటోలు ఉన్నాయట. బటన్ కెమెరా లో ఫ్యామిలీ ఫోటోలు తీసుకుంటారా.. చెప్పేవాడికి వినేవాడు లోకువ అన్నట్లుగా బటన్ కెమెరాపై రవికిరణ్ రెడ్డి కథలు చెప్పారు.
ఫోటోలు బయటకు ఎలా వెళ్లాయో ఇంకా తేల్చలేదట !
జైల్లో చంద్రబాబును ఫోటో తీసిన వ్యవహారంపై పోలీసులకు ఫిర్యాదు చేశాం. ఇప్పటికీ విచారణ కొనసాగుతుందని చెప్పుకొచ్చారు. చంద్రబాబు భద్రతపై జైల్లో ప్రధానంగా సందేహాలు లేవనెత్తడానికి ప్రధాన కారణం ఆయనను రహస్యంగా చిత్రీకరించడం వీడియోలు తీయడం. వైసీపీ సోషల్ మీడీయాల్లో ఇవి తిరుగుతున్నా.. రవికిరణ్ రెడ్డి ఆ దృశ్యాలు ఎలా బయటకు వచ్చాయో విచారణ చేస్తమని చెబుతున్నారు. అలా ఎన్ని రోజులు చేస్తారో రెడ్డి గారికే తెలియాలి. చంద్రబాబుపై దాడి కోసం రెక్కీ కోసమే ఇదంతా చేస్తున్నారని.. .. అందరికీ అర్థమవుతున్నా.. రవికిరణ్ రెడ్డి మాత్రం సమర్థించుకునే ప్రయత్నం చేస్తున్నారు. డ్రోన్లు తిరుగుతోంది నిజమే అయినా… ఎవరు ఎగరేశారో తెలియదన చెబుతున్నారు.
రాజమండ్రి జైల్లో గంజాయి బహిరంగ రహస్యం
రాజమండ్రి జైల్లో ఖైదీలకు గంజాయి అందుతందనేది బహిరంగరహస్యం. రాజమండ్రి జైలు గోడల బయట నుంచి ప్యాకెట్లు విసిరేస్తూ ఉంటారు. ఈ విషయం అక్కడ ఉన్న వారందరికీ తెలుసు. అయితే రవికిరమ్ రెడ్డి మాత్రం… చంద్రబాబు వచ్చిన దగ్గర్నుంచీ ఈరోజు వరకు గంజాయి ప్యాకెట్లు జైల్లోకి విసిరిన దాఖల్లాల్లేవని చెప్పుకొచ్చారు. అది కూడా ఒప్పుకుంటే.. .. ఇక తాము ఏం చేస్తామని ప్రశ్నిస్తారని ఆయన కవర్ చేసుకున్నారు.
చంద్రబాబు హెల్త్ రిపోర్టులు ట్యాంపర్ చేయిస్తున్నట్లుగా అంగీకరించిన జైలర్ రెడ్డి
చంద్రబాబు కుడి కంటి కేటరాక్ట్‌ ఆపరేషన్‌కు సంబంధించి రాజమండ్రి జీజీహెచ్‌ వైద్యులను సంప్రదించాము. వారు పరీక్షలు చేశారు. చంద్రబాబుకు ఇమ్మెచ్చ్యూర్‌ కేటరాక్ట్‌ ఉందని ఆపరేషన్ చేయాలని చెప్పారు. అయితే ఇప్పుడే చేయాలా అని తాము అడిగితే.. కొంత సమయం తర్వాతైనా ఆపరేషన్ చేయించుకోవచ్చని వైద్యులు సూచించారని అన్నారు. ఇక్కడే తాము రిపోర్టులు మార్పించామని చెప్పకనే చెప్పారు.
