భలే మంచి రోజు సినిమాతో ఇండస్ట్రీ దృష్టిని ఆకట్టుకున్నాడు యువ దర్శకుడు శ్రీరామ్‌ ఆదిత్య. తొలి సినిమాగా తీసిన ఈ చిత్రం మంచి ఆదరణ పొందింది. టేకింగ్ మేకింగ్ లో చాలా కొత్తదనం చూపించాడు. క్యారెక్టరైజేషన్ కూడా కొత్త చేశాడు. ముఖ్యంగా కామెడి ట్రాక్ ను భలే పడించాడు. పృద్వీకి ఇచ్చిన ‘మల్లె పుష్పం రామారావు’ రోల్ భలే నవ్వులు పూయించింది. మల్లె పుష్పం పేరే భలే నవ్వు తెప్పించేసింది. ఆ క్యారెక్టర్ లో పృద్వీ రెచ్చిపోయి డైలాగులు చెబుతుంటే.. నవ్వు ఆపోకోవడం ఎవరివల్లా కాలేదు.
ఇప్పుడు ఓ మరో సినిమా చేస్తున్నాడు శ్రీరామ్‌ ఆదిత్య. సందీప్ కిష‌న్‌, నారా రోహిత్‌, ఆది, సుధీర్ బాబులతో ఓ మల్టీస్టారర్ తయారుచేస్తున్నాడు. అదే .. ‘శమంతకమణి’. ఈ సినిమాలో రాజేంద్ర ప్రసాద్‌ కూడా వున్నారు. ఆయన కోసం వెరైటీ పాత్రను డిజైన్ చేశాడు. ఆ పాత్ర పేరు ‘మహేష్ బాబు’. దీనిపై ఓ ప్రీ లుక్ కూడా వదిలారు. భలే ఇంట్రస్టింగ్ గా వుంది లుక్కు. ‘మల్లె పుష్పం రామారావు’ ట్రాక్ భలే పడింది భలే మంచి రోజులో. మరి ‘శమంతకమణి’లో మహేష్ బాబు రోల్ ఎలా వర్క్ అవుట్ అవుతుందో చూడాలి.
