ఈసంక్రాంతికి రామ్ చ‌ర‌ణ్ సినిమా `రంగ స్థ‌లం` వ‌చ్చేస్తుంద‌నుకొన్నారంతా. సంక్రాంతికి వ‌స్తున్నాం అని చిత్ర‌బృందం కూడా ఇది వ‌ర‌కే ప్ర‌క‌టించింది. కాన్సెప్ట్ పోస్ట‌రుపై కూడా `సంక్రాంతి విడుద‌ల‌` అని వుంది. కానీ… సంక్రాంతి రేసు నుంచి రంగ‌స్థ‌లం త‌ప్పుకొంది. ఈ చిత్రాన్ని మార్చిలో విడుద‌ల చేయ‌డానికి నిర్మాత‌లు స‌న్న‌ద్ధం చేస్తున్నారు. డిసెంబ‌రు నాటికి సినిమా పూర్త‌వుతుంది. సంక్రాంతికి సిద్ధం చేయ‌డం పెద్ద క‌ష్ట‌మేం కాదు. కాక‌పోతే సంక్రాంతికి ప‌వ‌న్ సినిమా `అజ్ఞాత‌వాసి` ఉంద‌న్న ఒకే ఒక్క కార‌ణంతో `రంగ‌స్థలం`ని మార్చికి షిఫ్ట్ చేయాల్సివ‌స్తోంద‌ని టాక్‌. ఫిబ్ర‌వ‌రి – మార్చి ఒక విధంగా సినిమాల‌కు అన్ సీజ‌న్‌. ప‌రీక్ష‌ల‌కు ముందు రోజులు కాబట్టి నిర్మాత‌లు భ‌య‌ప‌డ‌తారు. రంగ‌స్థ‌లం లాంటి సినిమాలు సంక్రాంతికి విడుద‌లైతే బాగుంటుంది. కానీ.. బాబాయ్ సినిమాతో త‌న సినిమాని విడుద‌ల చేయ‌డం ఇష్టం లేని చ‌ర‌ణ్‌… విడుద‌ల తేదీ వాయిదా వేయించిన‌ట్టు స‌మాచారం. పైగా సుకుమార్ మిస్ట‌ర్ ప‌ర్‌ఫెక్ట్ లాంటి ద‌ర్శ‌కుడు. సినిమాని వీలైనంత చెక్క‌డానికే ప్రాధాన్యం ఇస్తాడు. కాబ‌ట్టి… చేతిలొ త‌గినంత టైమ్ ఉంటే.. ఇంకాస్త మంచి అవుట్‌పుట్ వ‌స్తుంద‌న్న‌ది చ‌ర‌ణ్ ఆలోచ‌న‌. సో.. ఈ ముగ్గుల పండ‌క్కి రామ్ చ‌ర‌ణ్ సినిమా లేన‌ట్టే.