‘ఇస్మార్ట్ శంక‌ర్‌’తో బిజీగా ఉన్నాడు రామ్‌. మ‌రోవైపు కొత్త క‌థ‌లు కూడా వింటున్నాడు. తాజాగా సాగ‌ర్ చంద్ర చెప్పిన క‌థ‌కు రామ్ ఓకే చెప్పాడ‌ని టాక్‌. ‘అప్ప‌ట్లో ఒక‌డుండేవాడు’ చిత్రంతో ద‌ర్శ‌కుడిగా అడుగుపెట్టాడు సాగ‌ర్ చంద్ర‌. ఆ సినిమా ఆర్థిక‌ప‌ర‌మైన విజ‌యాన్ని అందుకోలేక‌పోయినా, విమ‌ర్శ‌ల ప్ర‌శంస‌ల్ని ద‌క్కించుకుంది. ఈసారి మాత్రం ప‌క్కా వాణిజ్య విలువ‌ల‌తో కూడిన ఓ క‌థని త‌యారు చేశాడ‌ట‌. అది రామ్‌కి బాగా న‌చ్చింది. స్ర‌వంతి మూవీస్ సంస్థ ఈ చిత్రాన్ని తెర‌కెక్కించ‌బోతోంది. త్వ‌ర‌లోనే ఓ అధికారిక ప్ర‌క‌ట‌న వ‌చ్చే అవ‌కాశం ఉంది. ‘ఇస్మార్ట్ శంక‌ర్‌’ మేలో విడుద‌ల కానుంది. ఆ వెంట‌నే సాగ‌ర్ చంద్ర సినిమా మొద‌ల‌వుతుంది. పూర్తి వివ‌రాలు త్వ‌ర‌లో తెలుస్తాయి.