రామ్‌చ‌ర‌ణ్‌కు గడ్డం నుంచి విముక్తి లభించినట్టే. ఎట్టకేలకు చిట్టిబాబు సీన్లు కంప్లీట్ చేశాడు దర్శకుడు సుకుమార్. రామ్‌చ‌ర‌ణ్‌ చిట్టిబాబుగా నటిస్తున్న సినిమా ‘రంగస్థలం’. సుకుమార్ దర్శకుడు. మైత్రి మూవీ మేకర్స్ సంస్థ నిర్మిస్తుంది. దాదాపు ఏడాదిన్నరగా సుకుమార్ సినిమాను చెక్కుతున్నారు. దాంతో ఎప్పటికప్పుడు షూటింగ్ పూర్తయిందనుకున్న సినిమా మళ్ళీ మళ్ళీ సెట్స్ మీదకు వెళ్ళింది. నిజం చెప్పాలంటే… షూటింగ్ పూర్తయింది. కానీ, వారం రోజులుగా హైదరాబాద్ లో ప్యాచ్ వర్క్ సీన్లు తీస్తున్నారు. ఫుల్ వర్క్ అయినా ప్యాచ్ వర్క్ అయినా గడ్డం కావలి కదా. సో… చరణ్ గడ్డాన్ని అలా మైంటైన్ చేస్తూ వచ్చారు. చివరకు ఈ రోజుతో ఆయన షూటింగ్ పూర్తయింది. చరణ్ శ్రీమతి ఉపాసన ఈ విషయాన్ని ట్వీట్ చేశారు. “ఇట్స్ వ్రాప్ ఫర్ చిట్టిబాబు. మార్చి 30న ప్రేక్షకులు ఏం చెబుతారో వినాలని వెయిట్ చేస్తున్నాడు” అని ట్వీట్ చేశారు. చరణ్ ఒక్కడి సీన్లు కంప్లీట్ చేశారో? మిగతావాళ్ళ సీన్లు కూడా కంప్లీట్ చేసేశారో? ఏది ఏమైనా ఇప్పటివరకు విడుదల చేసిన రెండు పాటలకు మంచి రెస్పాన్స్ వచ్చింది. ఆడియో కోసం ఆడియన్స్ వెయిటింగ్.