‘డిస్కోరాజా’ త‌ర‌వాత ర‌వితేజ సినిమా ఏమిట‌న్న విష‌యంలో ఓ క్లారిటీ వ‌చ్చింది. ర‌మేష్ వ‌ర్మ‌కి ర‌వితేజ మ‌రోసారి ఛాన్స్ ఇచ్చేశాడు. గ‌తంలో వీరిద్దరి కాంబినేష‌న్‌లో ‘వీర’ వ‌చ్చిన సంగ‌తి తెలిసిందే. ఆ సినిమా సో.. సో. గా ఆడింది. అయినా స‌రే, ర‌మేష్ వ‌ర్మ‌పై మ‌రోసారి న‌మ్మ‌కం ఉంచాడు ర‌వితేజ‌. ఇటీవ‌ల ‘రాక్ష‌సుడు’తో ఓ హిట్టు కొట్టాడు ర‌మేష్. అందుకే.. ఈ ఛాన్స్ వ‌చ్చిన‌ట్టు ఉంది. ఈ చిత్రానికి కోనేరు స‌త్య‌నారాయ‌ణ నిర్మాత‌గా వ్య‌వ‌హ‌రిస్తారు. ఫిబ్ర‌వ‌రిలో ఈ చిత్రాన్ని లాంఛనంగా ప్రారంభిస్తారు. మార్చి నుంచి షూటింగ్ మొద‌ల‌వుతుంది. ఈలోగా క‌థానాయ‌కుడు, మిగిలిన న‌టీన‌టుల వివ‌రాలు ప్ర‌క‌టిస్తారు. ‘రాక్ష‌సుడు’ ఓ రీమేక్ క‌థ‌. త‌మిళ సూప‌ర్ హిట్ చిత్రాన్ని ర‌మేష్ వ‌ర్మ త‌న‌దైన స్టైల్‌లో తెర‌కెక్కించాడు. ఈసారీ రిమేక్‌నే ఎంచుకున్నారా, లేదంటే సొంత క‌థ‌తో సినిమా తీస్తున్నారా అనేది తెలియాల్సివుంది.