ఎన్టీఆర్ మహానాయకుడు సినిమాతో థియేటర్లలో తన సినిమా `లక్ష్మీస్ ఎన్టీఆర్` ట్రైలర్ ప్రదర్శించేలా ఏర్పాట్లు చేసిన రామ్ గోపాల్ వర్మ, మహానాయకుడు వచ్చిన వెంటనే థియేటర్లలోకి వచ్చే సాహసం చేయలేకపోతున్నాడు. పబ్లిసిటీ కోసం కవ్వింపు చర్యలకు దిగుతున్న వర్మ, మహానాయకుడితో పోటీకి ససేమిరా అంటున్నాడు. ఎన్టీఆర్ జీవితంలోకి లక్ష్మీపార్వతి ప్రవేశించిన తరవాత ఏం జరిగిందనే కథతో రామ్ గోపాల్ వర్మ దర్శకత్వం వహించిన చిత్రం `లక్ష్మీస్ ఎన్టీఆర్`. మార్చి రెండో వారంలో ఈ చిత్రాన్ని విడుదల చేస్తానని ఓ టీవీ చర్చావేదికలో వర్మ తెలిపాడు. ట్రయిలర్ వివాదాలకు కారణమయ్యేలా వుండటంతో సినిమాకు కావలసినంత ప్రచారం దొరుకుతోంది. ట్రయిలర్లు హడావుడి చేయడం మినహా వర్మ తీసిన సినిమాలు థియేటర్లలో హడావుడి చేసి సంవత్సరాలు గడుస్తున్నాయి. ఈ సినిమా కూడా ఆ జాబితాలో చేరుతుందో? ఆడుతుందో?