చిత్ర‌ల‌హ‌రి త‌ర‌వాత సాయిధ‌ర‌మ్ తేజ్ – మారుతి క‌ల‌సి ఓ సినిమా చేస్తార‌ని ప్ర‌చారం జ‌రుగుతోంది. గీతా ఆర్ట్స్ నిర్మించే ఈ చిత్రంలో ర‌ష్మిక క‌థానాయిక‌గా న‌టించబోతోంద‌ని కూడా అనుకుంటున్నారు. సాయి తో మారుతి సినిమా, అది గీతా ఆర్ట్స్ లో నిర్మించ‌డం ఖాయ‌మే. కానీ.. ఇప్ప‌టి వ‌ర‌కూ క‌థే సెట్ కాలేదు. తేజూ కోసం మారుతి క‌థ‌లు సిద్దం చేస్తున్నాడు. కానీ ఇప్ప‌టి వ‌ర‌కూ సాయికి ఒక్క క‌థ కూడా వినిపించ‌లేద‌ని తెలుస్తోంది.

ఏప్రిల్‌లో చిత్ర‌ల‌హ‌రి విడుద‌ల కానుంది. ఆ సినిమా ఫ‌లితాన్ని బ‌ట్టే తేజూ చేయ‌బోయే త‌దుప‌రి సినిమా ఏమిట‌న్న‌ది తేల‌బోతోంది. మారుతి ద‌గ్గ‌ర బౌండెడ్ స్క్రిప్ట్ అంటూ ఏదీ లేదు. కేవ‌లం కొన్ని లైన్స్ మాత్ర‌మే ఉన్నాయి. వాటిని డ‌వ‌ల‌ప్ చేస్తున్నాడు. ఏ కొత్త క‌థైనా స‌రే.. చిత్ర‌ల‌హ‌రి విడుద‌ల త‌ర‌వాతే వింటాన‌ని తేజూ చెప్పేశాడ‌ట‌. మారుతి కూడా ఏమాత్రం కంగారు ప‌డ‌డం లేదు. చిత్ర‌ల‌హ‌రి చూశాక‌… అప్పుడు సాయి కోసం ఏ లైన్ అయితే బాగుంటుందో, డిసైడ్ చేస్తాడ‌ట‌. అంటే మారుతి ఎలాంటి క‌థ‌తో వ‌స్తాడ‌న్న‌ది చిత్ర‌ల‌హ‌రినే డిసైడ్ చేస్తుంద‌న్న‌మాట‌.