ఎన్టీఆర్‌ ‘దేవ‌ర‌’ నుంచి ఊహించ‌ని స‌ర్‌ప్రైజ్ వ‌చ్చింది. ఈ సినిమాలో సైఫ్ అలీఖాన్ ప్ర‌తినాయ‌కుడిగా న‌టిస్తున్న సంగ‌తి తెలిసిందే. ఆ పాత్ర‌ని ప‌రిచ‌యం చేస్తూ ఓ టీజ‌ర్ వ‌దిలారు. ఇందులో సైఫ్ ‘భైర‌’గా క‌నిపించ‌బోతున్నాడు. త‌న స్క్రీన్ ప్రజెన్స్, యాక్ష‌న్ మూమెంట్స్ గ‌గుర్పాటుని క‌లిగించాయి. సైఫ్‌లో ఇంత క్రూర‌త్వం ఉందా? అనిపించేలా ఆ పాత్ర‌ని డిజైన్ చేశారు. కొర‌టాల శివ హీరోయిజంతో పాటు, విల‌నిజం కూడా బాగానే చూపించ‌గ‌ల‌డు. కానీ `భైర‌`ని చూస్తుంటే, ఇది వ‌ర‌క‌టి విల‌న్ పాత్ర‌ల కంటే చాలా క్రూరంగా ఉండ‌బోతున్నాడ‌న్న సంగతి అర్థ‌మవుతుంది. అందుకే టీజ‌ర్‌లో కూడా అదే విష‌యం చెప్పారు. ‘ద హంట్ విల్ బి మోర్ బ్రూట‌ల్ దెన్ ఎవ‌ర్‌’ అంటూ ఓ ట్యాగ్ లైన్ జోడించారు.

ఇది వ‌ర‌కు ఎన్టీఆర్ పాత్ర‌ని ప‌రిచ‌యం చేస్తూ ఓ టీజ‌ర్ వ‌చ్చింది. దానికంటే ఈ టీజ‌రే బాగుందా అనిపిస్తోంది. టీజ‌ర్‌లో విల‌న్ తో పాటు, అత‌ని గ్యాంగ్ ని, అత‌ని ప్ర‌పంచాన్ని ప‌రిచ‌యం చేశారు. ఆ విజువ‌ల్స్ నెక్ట్స్ లెవ‌ల్ లో ఉన్నాయి. అనిరుథ్ ఇచ్చిన బ్యాక్ గ్రౌండ్ స్కోర్ కూడా విజువ‌ల్స్ ని మ‌రింత ప్ర‌భావంతంగా చూపించాయి. అక్టోబ‌రు 27న ఈ చిత్రాన్ని విడుద‌ల చేస్తున్నారు. జాన్వీ క‌పూర్ క‌థానాయిక‌గా న‌టించిన సంగ‌తి తెలిసిందే. ఇప్ప‌టి వ‌ర‌కూ రెండు పాట‌ల్ని విడుద‌ల చేశారు. మ‌రో పాట త్వ‌ర‌లోనే రాబోతోంది.