సినిమాకి మంచి రిలీజ్ డేట్ చాలా ముఖ్యం. అందులోనూ చిన్న సినిమాలకి ఇంకా ముఖ్యం. బాక్సాఫీసు ముందు పెద్ద సినిమాల సందడి లేనప్పుడు, కనీసం ఒక వారం సోలో రన్ దొరుకుతుందనే అవకాశం వున్నప్పడే ఓ మోస్తరు సినిమాలని విడుదల చేయడానికి ముందుకు వస్తుంటారు నిర్మాతలు. ఈ వారం ప్రభాస్ సలార్ హంగామా మొదలైయింది. పాన్ ఇండియాలోనే బిగ్గెస్ట్ మూవీ ఇది. ఒక మాస్ సినిమాకి హిట్ టాక్ వస్తే కలెక్షన్స్ ఏ రేంజ్ లో ఉంటాయో ఒక్క రోజులోనే చూపించింది సలార్. ప్రస్తుతం ఆ సినిమా చుట్టూ వున్న మాస్ వైబ్ చూస్తుంటే లాంగ్ రన్ కోనసాగడం ఖాయంగా కనిపిస్తోంది

సలార్ ముందు షారుక్ లాంటి సూపర్ స్టార్ సినిమా డంకీ కూడా తేలిపోయే పరిస్థితి కనిపిస్తుంది. ఈ క్రమంలో రానున్న వారంలో ఓ రెండు తెలుగు సినిమాలు వస్తున్నాయి. కళ్యాణ్ రామ్ డెవిల్ డిసెంబర్ 29న వస్తుంటే.. అదే డేట్ కి చిన్న సినిమాగా వస్తోంది ‘బబుల్‌గమ్’. కళ్యాణ్ రామ్ ది పిరియాడిక్ స్పై డ్రామా. ‘బబుల్‌గమ్’ తో సుమ కొడుకు రోషన్ పరిచయమౌతున్నాడు. నిజానికి ఈ సినిమా టీజర్ పాటలకు బాగానే రెస్పాన్ వచ్చింది. దీంతో అదే వేడిలో సినిమాని రిలీజ్ చేయాలని ఈ డేట్ ని ఎంచుకున్నారు నిర్మాతలు. కానీ ఇప్పుడు ఎటు చూసినా సలార్ మానియా కనిపిస్తోంది. మరీ మాస్ మానియా ముందు కొత్త సినిమాలు ఎంతటి ఉనికి చాటుకుంటాయో చూడాలి.