పూరిపై అభియోగాలు ఆయ‌న అభిమానులు జీర్ణించుకోలేక‌పోతున్నారు. కొంత‌మంది ఫ్యాన్స్‌.. పూరిని వెన‌కేసుకొస్తూ… పెద్ద పెద్ద లెట‌ర్లు రాస్తున్నారు. పూరి ఏమైనా దేశ ద్రోహా..?? ఆయ‌న డ్ర‌గ్స్ తీసుకొంటే ఎవ‌రికి న‌ష్టం?? అంటూ మితండ‌వాదం చేస్తున్నారు. పూరి కాంపౌండ్ వ్య‌క్తులు కూడా పూరిపై నింద‌లు ప‌డుతుంటే భ‌రించ‌లేక‌పోతున్నారు. పూరి కాంపౌండ్ హీరోయిన్ అని ముద్ర ప‌డిన సంజ‌న కూడా పూరికి ఏ పాపం తెలీద‌న్న‌ట్టు మాట్లాడుతోంది. ”పూరి చాలా మంచివారు. అలాంటి వ్య‌క్తి కాదు. ఆయ‌న కుటుంబ స‌భ్యుల‌తోనూ నాకు ప‌రిచయం ఉంది. పూరిపై వ‌స్తున్న వార్త‌లు న‌మ్మ‌శ‌క్యంగా లేవు. ఆ వార్త‌ల‌న్నీ అబ‌ద్దం అవ్వాల‌ని భ‌గ‌వంతుడ్ని కోరుకొంటున్నా. పూరి గారు క్లీన్ చీట్‌తో బ‌య‌ట‌ప‌డాలి” అంటూ… పూరిపై త‌న‌కున్న భ‌క్తికి బ‌య‌ట‌పెట్టేసింది సంజ‌న. సిట్ అధికారులు సినిమా వాళ్ల‌నే టార్గెట్ చేస్తున్నారు.. మిగిలిన వాళ్ల‌ని ప‌ట్టించుకోవ‌డం లేద‌న్న మాట అంద‌రి నోటా వినిపిస్తోంది. దీనిపై విభిన్నంగా స్పందించాడు పోసాని. ”సినిమా వాళ్ల‌ని టార్గెట్ చేయ‌డం ఏమిటి? ఒక‌వేళ ప్ర‌శ్నిస్తే ఏమైపోతుంది? ప‌రువు పోయినట్టు కాదు క‌దా. ప్ర‌శ్నించ‌క‌డం పోలీసుల హ‌క్కు. నువ్వు స‌చ్చ‌శీలుడ‌వైతే నిరూపించుకో” అంటూ త‌న‌దైన శైలిలో స్పందించారు పోసాని. అయితే సినిమావాళ్లు ఈకేసులోంచి బ‌య‌ట‌ప‌డాల‌న్న ఆశాభావం వ్య‌క్తం చేశారు పోసాని.
పూరీ అలాంటి ఆయ‌న కాదు
