శరత్ మారర్ అంటే గుర్తుకొచ్చే పేరు పవన్ కళ్యాణ్. పవన్ వలనే శరత్ మారార్ నిర్మాతగా మారారు. బ్యానర్ పెట్టారు. దానికి స్టార్ వాల్యు తెచ్చింది పవనే. వరుసగా మూడు సినిమాలు శరత్ మరార్ తో చేశారు. తర్వాత ఎందుకో తెలీదు కానీ వాళ్ళ మధ్య గ్యాప్ వచ్చింది. కొన్నాళ్ళుకు మళ్ళీ కలిసినా పవన్ సినిమా లైనప్ మారిపోయింది. అయితే పవన్ తో మళ్ళీ సినిమా చేయాలని కోరిక మాత్రం శరత్ మరార్ కు వుంది.
ఈ విషయాన్ని స్వయంగా శరత్ మరార్ చెప్పారు. ‘కళ్యాణ్ గారితో మళ్ళీ సినిమా చేసే అవకాశం వస్తే చాలా ఆనందంగా చేస్తాను. ఐతే ఆయన రాజకీయాల్లో బిజీగా వున్నారు. చేతిలో కొన్ని ప్రాజెక్ట్స్ వున్నాయి. అయితే ఆయనకి తగిన కథని తీసుకెళ్ళగలిగితే మాత్రం సినిమా చేస్తారనే నమ్మకం వుంది. ఆయన అనుకుంటే ఖచ్చితంగా చేస్తారు. అలాంటి కథ కుదిరితే తపకుండా తీసుకెల్తా” అని చెప్పారు శరత్ మరార్.
