ప్ర‌స్తుతం సుధీర్ వ‌ర్మ చిత్రంలో న‌టిస్తున్నాడు శ‌ర్వానంద్‌. కాజ‌ల్ క‌థానాయిక‌గా న‌టిస్తున్న ఈ చిత్రం ప్ర‌స్తుతం స్పెయిన్‌లో షూటింగ్ జ‌రుపుకుంటోంది. ఇందులో శ‌ర్వా రెండు విభిన్న‌మైన గెట‌ప్పుల్లో క‌నిపించ‌నున్నాడు. ఓ పాత్ర‌లో న‌డి వ‌య‌స్కుడిగా ద‌ర్శ‌న‌మివ్వ‌బోతున్నాడు. ఈ గెట‌ప్‌ని ప్ర‌త్యేకంగా విడుద‌ల చేయాల‌ని చిత్ర‌బృందం భావించింది. అయితే.. స్పెయిన్ షూటింగ్ స్పాట్ నుంచి రెండు ఫొటోలు బ‌య‌ట‌కు వ‌చ్చాయి. అందులో శ‌ర్వా ఎలాంటి గెట‌ప్‌లో క‌నిపించ‌బోతున్నాడ‌న్న‌ది ముందే తెలిసిపోయింది. దాంతో చిత్ర‌బృందం కాస్త కంగారు ప‌డుతోంది. అతి తొంద‌ర‌లోనే ఈ సినిమాలో శ‌ర్వాకి సంబంధించిన గెట‌ప్ విడుద‌ల చేయాల‌ని ఇప్పుడు ఆఘ‌మేఘాల‌పై ఫ‌స్ట్ లుక్ డిజైన్ చేయిస్తుంది. మాఫియా నేప‌థ్యంలో సాగే క‌థ ఇది. ఇందుకోసం `ద‌ళ‌ప‌తి` అనే టైటిల్ ప‌రిశీలిస్తున్నారు.