”‘పుష్ప’ కేవలం బన్నీ సినిమా మాత్రమే కాదు. తెలుగు ఇండస్ట్రీ సినిమా.’ అన్నారు దర్శకుడు రాజమౌళి. అల్లు అర్జున్‌-సుకుమార్ దర్శకత్వంలో తెరకెక్కిన మాస్‌ యాక్షన్‌ థ్రిల్లర్‌ ‘పుష్ప’. హైదరాబాద్‌ పోలీస్‌ గ్రౌండ్స్‌లో ప్రీరిలీజ్‌ వేడుక జరిగింది. ఈ వేడుకకు ముఖ్య అతిధిగా రాజమౌళి వచ్చారు.
ఈ సందర్భంగా రాజమౌళి మాట్లాడుతూ.. ”సుకుమార్ నా స్నేహితుడు, ఫేవరెట్‌ డైరెక్టర్‌. నాకు సుక్కు సినిమాలంటే ఇష్టం. పగలు రాత్రీ తేడా లేకుండా సుకుమార్ ఈ సినిమా కోసం పనిచేస్తున్నాడు. సినిమా అద్భుతంగా వస్తుందన్న నమ్మకం ఉంది. ‘ఆర్‌ఆర్ఆర్‌’ పని మీద ముంబయికి వెళ్లినప్పుడు ఎవరిని అడిగినా ‘పుష్ప కోసం చూస్తున్నాం’ అంటున్నారు. బన్ని తప్పకుండా అక్కడ కూడా ప్రచారం చేయాలి. ‘పుష్ప’ కేవలం బన్నీ సినిమా మాత్రమే కాదు. తెలుగు ఇండస్ట్రీ సినిమా. దీని గురించి అందరికీ తెలియాలి. అల్లు అర్జున్‌ డెడికేషన్‌ కి హ్యాట్సాఫ్‌. బన్నీఇండస్ట్రీకి దొరికిన గిఫ్ట్‌. బన్నీ ని చూసి ఎంతో మంది స్ఫూర్తి పొందుతారు.” అని వ్యాఖ్యానించారు రాజమౌళి. రెండు భాగాలుగా వస్తున్న ఈ సినిమా ఫస్ట్‌ పార్ట్‌ డిసెంబరు 17న విడుదల కానుంది.
