ఆకాశ‌మే నీ హ‌ద్దురా సినిమాతో త‌న‌దైన మార్క్ చూపించారు సుధా కొంగ‌ర‌. ఈ సినిమా ఘ‌న విజ‌యాన్నిసాధించ‌డంతో పాటు, ప‌లు అవార్డుల్ని అందుకొంది. ఇప్పుడు.. మ‌రో బ‌యోపిక్ వెండి తెర‌పై చూపించాల‌ని ఆమె ప్ర‌ణాళిక‌లు సిద్ధం చేసుకొంటున్నారు. అది ర‌త‌న్ టాటా క‌థ అని తెలుస్తోంది. భార‌తీయ వ్యాపార సామ్రాజ్యంలో.. `టాటా` వాటా గురించి ప్ర‌త్యేకంగా చెప్పాల్సిన ప‌నిలేదు. ర‌త‌న్ టాటా జీవితం, ఆయ‌న చేస్తున్న సేవ‌.. ఇవ‌న్నీ యువ‌త‌కు చెప్పాల‌న్న ఉద్దేశంతో ఈ బ‌యోపిక్ రూప‌క‌ల్ప‌న‌కు సుధాకొంగ‌ర పూనుకొన్నారు. ఈ బ‌యోపిక్‌లో సూర్య గానీ, అభిషేక్ బ‌చ్చ‌న్ గానీ న‌టించే అవ‌కాశాలు ఉన్నాయి. ప్ర‌స్తుతం.. ర‌త‌న్ టాటా జీవితంలోని అన్ని కోణాల‌పైనా సుధా కొంగ‌ర రీసెర్చ్ చేస్తున్న‌ట్టు స‌మాచారం. మ‌రో వైపు స్క్రిప్టు వ‌ర్క్ కూడా జ‌రుగుతోంట‌. త్వ‌ర‌లోనే ఈ బ‌యోపిక్‌కి సంబంధించిన పూర్తి వివ‌రాలు వెల్ల‌డ‌వుతాయి.