అక్కినేని హీరోల్ని ర‌వితేజ బాగా వాడేస్తున్నాడు. మొన్న‌టికి మొన్న రావ‌ణాసుర‌లో.. సుశాంత్ క‌నిపించాడు. క‌థ‌లో సుశాంత్ పాత్ర కీల‌క‌మైన‌దే. కాక‌పోతే.. ఆ సినిమా ఫ్లాప్ అయ్యింది. సుశాంత్ క‌ష్టం వృథా అయ్యింది. ఇప్పుడు మ‌రోసారి అక్కినేని హీరోకి అవ‌కాశం ఇచ్చాడు ర‌వితేజ‌. ఆయ‌న క‌థానాయ‌కుడిగా న‌టిస్తున్న చిత్రం .. ఈగ‌ల్‌. కార్తీక్ ఘ‌ట్ట‌మ‌నేని ఈ సినిమాతో ద‌ర్శ‌కుడిగా ప‌రిచ‌యం అవుతున్నాడు. ఈ చిత్రంలో సుమంత్ ఓ కీల‌క పాత్ర పోషిస్తున్నాడు.

సీతారామంలో సుమంత్ ఓ మ‌ర్చిపోలేని క్యారెక్ట‌ర్ చేశాడు. ఆ సినిమాతో క్యారెక్టర్ ఆర్టిస్టుగా బ్రేక్ వ‌చ్చింది. ఆ త‌ర‌వాత‌.. సుమంత్ కి చాలా అవ‌కాశాలు వ‌చ్చాయి. కానీ.. సుమంత్ మాత్రం ఆచితూచి క్యారెక్ట‌ర్ల‌ని ఎంచుకొంటున్నాడు. సీతారామం త‌ర‌వాత సుమంత్ ఒప్పుకొన్న సినిమా ఇదే. సీతారామంలో సుమంత్ పాత్ర‌లో పాజిటీవ్‌, నెగిటీవ్ కోణాలు రెండూ ఉంటాయి. ఈగ‌ల్ లోనూ అంతేన‌ని టాక్‌. ఈ సినిమా షూటింగ్ శ‌ర‌వేగంగా సాగిపోతోంది. ఏక్ మినీ క‌థ హీరోయిన్ కావ్య థాప‌ర్ ఈ చిత్రంలో క‌థానాయిక‌గా న‌టిస్తోంది.