సందీప్ కిష‌న్ క‌థానాయ‌కుడిగా త్రినాథ‌రావు న‌క్కిన ద‌ర్శ‌క‌త్వంలో ఓ చిత్రం రూపుదిద్దుకొంటున్న సంగ‌తి తెలిసిందే. రాజేష్ దండా నిర్మాత‌. ఈ చిత్రంలో క‌థానాయిక‌గా రీతూ వ‌ర్మ‌ని ఎంచుకొన్నారు. సందీప్‌తో రీతూ జోడీ క‌ట్ట‌డం ఇదే తొలిసారి. స్క్రిప్టు ప‌నులు పూర్త‌య్యాయి. జూన్ 18 నుంచి షూటింగ్ మొద‌లెడ‌తారు. ఈ చిత్రంలో రావు ర‌మేష్ ఓ కీల‌క పాత్ర పోషిస్తున్నారు. రావు ర‌మేష్ – సందీప్ కిష‌న్ తండ్రీ కొడుకులుగా న‌టించ‌నున్నారు. రావు ర‌మేష్ స‌ర‌స‌న `మ‌న్మ‌థుడు` ఫేమ్ అన్షు జోడీ క‌ట్ట‌నుంది. రావు ర‌మేష్ – అన్షు ట్రాక్ ఈ చిత్రానికి ప్ర‌ధాన ఆక‌ర్ష‌ణ‌గా నిల‌వ‌బోతోంద‌ని స‌మాచారం. ప్ర‌స‌న్న‌కుమార్ బెజ‌వాడ ఈ చిత్రానికి క‌థ‌, మాట‌లు, స్క్రీన్ ప్లే అందిస్తున్నారు. `ధ‌మాకా` త‌ర‌వాత త్రినాథ‌రావు చేస్తున్న సినిమా ఇదే. భీమ్స్ ఈ చిత్రానికి స్వ‌రాలు అందిస్తున్నారు. ఈ సినిమా కోసం ఓ క్రేజీ టైటిల్ అనుకొంటున్నారు. ఫైన‌ల్ అయ్యాక అధికారికంగా ప్ర‌క‌టిస్తారు.