కుర్ర హీరోల్లో మంచి జోష్ కనబరిచే హీరో సందీప్ కిషన్.. ఏ యువ హీరో ఆడియో వేడుకైనా పిలిచినా పిలవకపోయినా సందీప్ మాత్రం ప్రత్యక్షమవ్వాల్సిందే. లాస్ట్ ఇయర్ బీరువా, టైగర్ అంటూ వచ్చినా ప్రేక్షకులను అంతగా ఆకట్టుకోలేని సందీప్ ఈసారి తీస్తున్న సినిమాను కచ్చింగా హిట్ కొట్టాలని చూస్తున్నాడు. ప్రస్తుతం ‘ఒక్క అమ్మాయి తప్ప’ సినిమాలో నటిస్తున్న సందీప్ ఆ సినిమా గురించి చాలా జ్రాగ్రత్తలు పడుతున్నాడట.
అంతేకాదు ఇటీవల సందీప్ కిష ని కలిసిన ఓ నిర్మాతకు తన సినిమాలో ఇకనుండి మిగతా స్టార్ కాస్ట్ కూడా బాగుండాలని చెప్పాడట. ఇన్నాళ్లు సినిమా కథ బాగుందా, దర్శకుడు దాన్ని తెరకెక్కించే ప్రతిభ ఉందా అని మాత్రమే చూశానని అవి కాకుండా ఆ సినిమాలో మిగతా స్టార్ కాస్ట్ కూడా ప్రేక్షకులు థియేటర్స్ కు రప్పించేలా చేస్తాయని తెలుసుకున్నానని అభిప్రాయపడ్డాడట.
ప్రస్తుతం ఒక అమ్మాయి తప్ప సినిమాలో నిత్యామీనన్ తో జత కడుతున్న సందీప్ మరో రెండు మూడు సినిమాల గురించి కూడా చర్చలు జరుపుతున్నాడని తెలుస్తుంది. ఇకనుండి చేసే సినిమాలో స్టార్ కాస్ట్ మీద కూడా దృష్టి పెట్టడం చూస్తుంటే సందీప్ కిషన్ కు ఎక్కడో మంచి దెబ్బే తగిలిందని అనిపిస్తుంది. మరి ఇకనుండి అనుకున్నట్టుగా సినిమాలో కాస్టింగ్ విషయంలో ఎలాంటి జాగ్రత్తలు పడతాడో చూడాలి.
