సన్నీ లియోన్ అంటే శృంగారం. శృంగారం అంటే సన్నీ లియోన్. అంతే… ఆమెకి ఉన్న ఇమేజ్ అటువంటిది మరి. నీలి చిత్రాల నుంచి భారతీయ చిత్ర పరిశ్రమలో అడుగు పెట్టిన ఈమె ఇక్కడ కూడా ఎక్కువగా శృంగార భరిత చిత్రాలే చేశారు. ఆమె ఇమేజ్ క్యాష్ చేసుకొనే ప్రయత్నమే ఎక్కువమంది దర్శక నిర్మాతలు చేశారు. అటువంటి సన్నీ లియోన్ కత్తి పట్టుకొని యుద్ధం చేస్తుంటే ప్రేక్షకులు చూస్తారా? చూడగలరా? అనేది పెద్ద డౌట్. సన్నీ ముఖ్యతారగా మలయాళ దర్శకుడు విసి వడివుడయాన్ తెలుగు, తమిళ, మలయాళ, హిందీ భాషల్లో ‘వీరమహాదేవి’ సినిమా తీస్తున్నారు. అందులో ఫస్ట్ లుక్ ఈ రోజు విడుదల చేశారు. ‘బాహుబలి’లో ప్రభాస్, ‘మగధీర’లో రామ్ చరణ్ టైపులో ఉందీ లుక్. రాణీ రుద్రమదేవి తరహా పాత్రలో సన్నీ లియోన్ ఎంత వరకూ నటించి మెప్పిస్తారు? ప్రేక్షకులు ఆమెను ఆ పాత్రలో ఎలా రిసీవ్ చేసుకుంటారు? అనే అంశాలపై సినిమా విజయం ఆధారపడి ఉంటుంది. అనుష్క ఇలాంటి పాత్రల్లో నటిస్తే ఎలాంటి సందేహాలు అవసరం లేదు. ఆమెకు అటువంటి ఇమేజ్ ఉంది. సన్నీ లియోన్ ఇమేజ్ అందుకు కంప్లీట్ డిఫరెంట్ కదా!!