త‌మ‌న్ ఓ సంగీత ద‌ర్శ‌కుడు. గాయ‌కుడు. అంత‌కు ముందే.. న‌టుడు. శంక‌ర్ తీసిన బోయ్స్‌లో ఓ కీల‌క పాత్ర‌లో క‌నిపించాడు త‌మ‌న్. ఆ త‌ర‌వాత సంగీత ద‌ర్శ‌క‌త్వంతో బిజీ అయిపోయాడు. మ‌ళ్లీ మేక‌ప్ వేసుకునే ఆలోచ‌న చేయ‌లేదు. ఇప్పుడు మాత్రం అఖిల్ తో క‌ల‌సి స్టెప్పులు వేశాడు. అఖిల్ క‌థానాయ‌కుడిగా తెర‌కెక్కిన చిత్రం ‘మిస్ట‌ర్ మ‌జ్ను’. ఈ చిత్రానికి త‌మ‌న్ సంగీతం అందించాడు. అంతేకాదు… ఓ పాట‌లో మెరిశాడు. `కోపంగా కోపంగా` అనే పాట‌లో త‌మ‌న్ క‌నిపించాడు. స‌ర‌ద‌గా స్టెప్పేశాడు. ”ఇది అనుకోకుండా జ‌రిగింది. ఫ‌స్ట్ క్లాస్ టికెట్ వేస్తాను.. నువ్వు రావాల్సిందే. అని న‌న్ను ఫారెన్ పిలిపించుకున్నాడు. స‌ర‌దాగా అఖిల్ తో స్టెప్పు వేయించాడు. నాతో అలాంటి స్టెప్పులేయించ‌డానికి డాన్స్ మాస్ట‌ర్ చాలా క‌ష్ట‌ప‌డ్డారు” అని చెప్పుకొచ్చాడు త‌మ‌న్‌. ఈ సినిమాలో ఆరు పాట‌లున్నాయి. ఆరూ.. ఆరు ర‌కాలుగా సాగాయి. త‌మ‌న్‌లోని మెలో్డీ ప‌వ‌ర్ మ‌రోసారి చూపించాయి. ఇక డాన్సింగ్ టాలెంట్ ఏమిటో తెర‌పైనే చూడాలి. ఈనెల 25న ఈ చిత్రం విడుద‌ల కానుంది.