నంద‌మూరి బాల‌కృష్ణ మంచి స్వింగులో ఉన్నారు. అఖండ‌, వీర సింహారెడ్డి, భ‌గ‌వత్ కేస‌రి.. ఇలా హ్యాట్రిక్ విజ‌యాల‌తో దూసుకుపోతున్నారు. మ‌రోవైపు అన్ స్టాప‌బుల్ కూడా బాల‌య్య‌కు స‌రికొత్త ఇమేజ్ తీసుకొచ్చింది. ఇప్పుడు బాబి ద‌ర్శ‌క‌త్వంలో ఓ సినిమా చేస్తున్న సంగ‌తి తెలిసిందే. ఈ సినిమాని పూర్తిస్థాయి యాక్ష‌న్ ఎంట‌ర్‌టైన‌ర్‌గా రూపొందిస్తున్నారు. ఈ చిత్రంలో ముగ్గురు క‌థానాయిక‌ల‌కు చోటుంది. ఊర్శ‌శీ రౌతాటా, మీనాక్షీ చౌద‌రిలు ఇప్ప‌టికే ఎంపిక‌య్యారు. మ‌రో క‌థానాయిక కోసం అన్వేష‌ణ జరుగుతోంది. టాలీవుడ్ లోని టాప్ క‌థానాయిక‌ల్లో ఒక‌రు.. బాల‌య్య స‌ర‌స‌న మూడో క‌థానాయిక ఎంపిక‌య్యే ఛాన్సుంది. ప్ర‌స్తుతం బాల‌య్య సినిమా షూటింగ్ హైద‌రాబాద్ లో జ‌రుగుతోంది. బాల‌కృష్ణ‌, ఊర్వ‌శీ రౌతాలాపై కీల‌క స‌న్నివేశాల్ని తెర‌కెక్కిస్తున్నారు. మీనాక్షి చౌద‌రి కూడా త్వ‌ర‌లోనే సెట్స్‌లో జాయిన్ అయ్యే అవ‌కాశం ఉంది. భ‌గ‌వ‌త్ కేస‌రిలో బాల‌య్య స్టెప్పుల్ని చూసే అవ‌కాశం రాలేదు అభిమానుల‌కు. ఈ సినిమాలో మాత్రం ఆ లోటు తీరిపోతోంది. ఇందులో 5 పాట‌లున్నాయి. వాటిలో.. మూడు పూర్తిగా మాస్ బీట్లే అని టాక్‌.