వరుణ్ తేజ్ మట్కా సినిమా షూటింగ్ జరుగుతోంది. పలాస ఫేం కరుణ కుమార్ దర్శకత్వంలో పిరియాడిక్ బ్యాక్ డ్రాప్లో తెరకెక్కుతున్న సినిమా ఇది. ఇటివలే రామోజీ ఫిల్మ్ సిటీలో ఓ రెట్రో సాంగ్ షూట్ చేశారు. తాజాగా సినిమా ఫస్ట్ లుక్ ని రిలీజ్ చేశారు. వరుణ్ తేజ్ రెండు డిఫరెంట్ గెటప్స్ లో కనిపించాడు. ఒక లుక్ మిడిల్ ఏజ్, మరో లుక్ యంగ్. పోస్టర్ లో వింటేజ్ వైబ్ వుంది.
ఇలాంటి లుక్ లో కనిపిండం వరుణ్ తేజ్ కి కొత్తే. ముఖ్యంగా మిడిల్ ఏజ్ లుక్ లో నెరిసిన జుట్టుతో కనిపించడం క్యారెక్టర్ ఆర్క్ ని సూచిస్తోంది. ఇందులో మొత్తం నాలుగు డిఫరెంట్ గెటప్స్ లో కనిపిస్తారు వరుణ్. మరో రెండు గెటప్స్ కూడా త్వరలోనే రివిల్ చేస్తారు.
వైజాగ్ లో జరిగిన కొన్ని యదార్ధ సంఘటనలు ఆధారంగా ఈ సినిమా కథని రాసుకున్నారు కరుణకుమార్. ఈ సినిమా ప్రధాన ఇతివృత్తం గ్యాంబ్లింగ్. బెట్టింగ్ ఆట చుట్టూ నడిచే కథ. సినిమాకి భారీ ఖర్చు చేస్తున్నారు. వరుణ్ తేజ్ కి ఇప్పటివరకూ హై బడ్జెట్ మూవీ. మీనాక్షి చౌదరి, నోరా ఫతేహి హీరోయిన్స్. వచ్చే ఏడాది ఈ సినిమా ప్రేక్షకుల ముందుకు రానుంది.
