టాలీవుడ్ లో కొత్త సినిమాలు, రిలీజ్ డేట్ల హ‌డావుడి క‌నిపిస్తోంది. దాదాపుగా పెద్ద సినిమాల‌న్నీ రిలీజ్ డేట్లు ప్ర‌క‌టించేశాయి. చిన్న‌పాటి క‌న్‌ఫ్యూజ‌న్ ఉన్నా… ఎప్పుడు, ఏ సినిమా రాబోతోంద‌న్న విష‌యంలో స్ప‌ష్ట‌త క‌నిపిస్తోంది. ఇప్పుడు ‘గ‌ని’కి సైతం దారి దొరికేసింద‌ని స‌మాచారం. వ‌రుణ్ తేజ్ క‌థానాయ‌కుడిగా న‌టించిన చిత్రం ‘గ‌ని’. బాక్సింగ్ నేప‌థ్యంలో తీర్చిదిద్దిన క‌థ ఇది. కిర‌ణ్ కొర‌పాటి ద‌ర్శ‌కుడు. ఈ సినిమా ఎప్పుడో రెడీ అయిపోయింది. ఇప్పుడు రిలీజ్‌డేట్ కోసం ఎదురు చూస్తోంది. ఫిబ్ర‌వ‌రి 25 లేదంటే మార్చి 4న ఈ సినిమా రాబోతోంద‌ని స‌మాచారం.

ఫిబ్ర‌వ‌రి 25న‌… `భీమ్లా నాయ‌క్‌` రావాల్సివుంది. అయితే… భీమ్లానాయ‌క్ కి ఆప్ష‌న‌గా మ‌రో డేట్ ఉంది. ఫిబ్ర‌వ‌రి 25న రానిప‌క్షంలో, ఏప్రిల్ 1న భీమ్లానాయ‌క్ వ‌స్తాడు. ఫిబ్ర‌వ‌రి 25న భీమ్లా వ‌చ్చేస్తే… గ‌ని మార్చి 4న వ‌స్తుంది. భీమ్లా ఏప్రిల్ 1న వ‌స్తే గ‌నుక‌… ఫిబ్ర‌వ‌రి 24న గ‌ని వ‌చ్చేస్తాడు. అంటే… గ‌ని జాత‌కం మొత్తం ‘భీమ్లా..’పై ఆధార‌ప‌డి ఉంద‌న్న‌మాట‌. ఫిబ్ర‌వ‌రి 25న భీమ్లా రాకూడ‌ద‌నే గ‌ని టీమ్ కోరుకుంటుంది. ఎందుకంటే… ఆ డేట్ లో వ‌స్తే సేఫ్ గేమ్ ఆడొచ్చు. మార్చి 4న అంటే… ఒక వారం వ్య‌వ‌ధిలో `రాధేశ్యామ్‌` వ‌చ్చేస్తుంది. బాక్సాఫీసు ద‌గ్గ‌ర‌… పెద్ద‌గా టైమ్ దొర‌క‌దు. అందుకే.. ఫిబ్ర‌వ‌రి 25పైనే గ‌ని గురి పెట్టాడు.