వరుణ్‌తేజ్‌ ‘తొలిప్రేమ’తో దర్శకుడిగా వెంకీ అట్లూరి దర్శకుడిగా పరిచయమయ్యాడు. తొలి సినిమాతో విజయాన్ని అందుకోవడమే కాదు.. తనలో ప్రతిభ వుందని చాటిచెప్పాడు. ఆ సినిమా తరవాత వెంకీ అట్లూరితో సినిమాలు చేయడానికి పలువురు నిర్మాతలు ముందుకొచ్చారు. కొందరు అడ్వాన్సులు ఇవ్వడానికి ముందుకొచ్చారు. అయితే… దర్శకుడిగా తన రెండో చిత్రాన్ని తొలి చిత్రం నిర్మించిన బివిఎస్‌ఎన్‌ ప్రసాద్‌ సంస్థలో చేశాడు. మూడో చిత్రాన్ని మైత్రీ మూవీ మేక‌ర్స్‌లో చేయనున్నాడు. ఈ విషయాన్ని మైత్రీ అధినేతల్లో ఒకరైన నవీన్ యెర్నేని ధృవీకరించారు. ‘శ్రీమంతుడు’, ‘జనతా గ్యారేజ్’, ‘రంగస్థలం’ విజయాలతో తెలుగు సినిమా పరిశ్రమలో, ప్రేక్షకుల్లో మైత్రి సంస్థ పేరు తెచ్చుకుంది. ప్రస్తుతం సాయిధరమ్ తేజ్ ‘చిత్రలహరి’, విజయ్ దేవరకొండ ‘డియర్ కామ్రేడ్’ సినిమాలు నిర్మిస్తున్నది. త్వరలో వెంకీ అట్లూరి దర్శకత్వంలో సినిమా ప్రారంభించే అవకాశాలు సుస్పష్టంగా వున్నాయి. బహుశా.. ‘మిస్టర్ మజ్ను’ విడుదల తరవాత కొంత సమయం తీసుకుని ప్రారంభిస్తారేమో!