బిచ్చ‌గాడు సినిమాతో విజ‌య్ ఆంటోనీ ఓ చిన్న సైజు చ‌రిత్ర సృష్టించాడు. ఈ సినిమా కాసుల వ‌ర్షం కురిపించింది. తెలుగులో డ‌బ్ అయితే.. క‌నీ వినీ ఎరుగ‌ని లాభాల్ని మూట‌గ‌ట్టుకొంది. ఈ సినిమా త‌ర‌వాతే విజ‌య్ ఆంటోనీకి మార్కెట్ ఓపెన్ అయ్యింది. అయితే.. ఆ త‌ర‌వాత త‌ను తీసిన సినిమాల‌న్నీ ఫ్లాపులే. ఇప్పుడు బిచ్చ‌గాడుకి సీక్వెల్ తీశాడు. ఇందులోనూ త‌నే హీరో. త‌నే ద‌ర్శ‌కుడు. త్వ‌ర‌లోనే ఈ సినిమా విడుద‌ల అవుతోంది. ఒక‌వేళ ఈ పాత్ర‌ని విజ‌య్ ఆంటోనీ కాకుండా మ‌రో హీరో చేస్తే..? ఆ పాత్ర‌లో ఎవ‌రు బాగుంటారు? ఇదే విష‌యంపై విజ‌య్ ఆంటోనీ స్పందించాడు. మ‌హేష్ బాబు అయితే ఆ పాత్ర‌కు నూరు శాతం న్యాయం చేస్తార‌ని, మ‌హేష్ లుక్‌, ఎక్స్‌ప్రెష‌న్స్ ఈ పాత్ర‌కు స‌రిగ్గా స‌రిపోతాయ‌ని విజ‌య్ ఆంటోనీ వ్యాఖ్యానించాడు. బిచ్చ‌గాడు 2 ట్రైల‌ర్లో విజ‌య్ చాలా స్టైలీష్‌గా క‌నిపిస్తున్నాడు. టైటిల్ బిచ్చ‌గాడే అయినా.. అందులో విజ‌య్ మ‌ల్టీమిలీయ‌నీర్ పాత్ర పోషించాడు. కాబ‌ట్టి.. మ‌హేష్ పేరు చెప్ప‌డం స‌బ‌బుగానే అనిపిస్తోంది. విజ‌య్‌కి మహేష్ అంటే చాలా ఇష్ట‌మ‌ట‌. త‌న‌తో ఓ సినిమా డైరెక్ట్ చేయాల‌న్న కోరిక‌ను కూడా విజ‌య్ ఆంటోనీ ఈ సంద‌ర్భంగా బ‌య‌ట‌పెట్టాడు. మే 19న ఈ సినిమా ప్రేక్ష‌కుల ముందుకు వ‌స్తోంది. బిచ్చ‌గాడుతో… భారీ లాభాల్ని ఆర్జించిన విజ‌య్‌కి ఈ సీక్వెల్ ఎలాంటి ఫ‌లితాన్ని ఇస్తుందో చూడాలి.