గౌత‌మ్ తిన్న‌నూరితో విజ‌య్ దేవ‌ర‌కొండ సినిమా ప‌క్కా అయ్యింది. సితార ఎంట‌ర్‌టైన్‌మెంట్స్‌, మై హోమ్ క‌లిసి ఈ సినిమాని నిర్మిస్తున్నాయి. జ‌న‌వ‌రి లో షూటింగ‌ట్ లాంఛ‌నంగా ప్రారంభం కానుంది. విజ‌య్ దేవ‌ర‌కొండ చేతిలో ప్ర‌స్తుతం `ఖుషి` సినిమా ఉంది. ఈ సినిమాకి సంబంధించి ఇంకా 35 రోజుల షూటింగ్ బాకీ. స‌మంత వ‌స్తే గానీ… ఈ సినిమా పూర్త‌వ‌దు. స‌మంత అనారోగ్యంతో షూటింగుల‌కు దూర‌మైన సంగ‌తి తెలిసిందే. డిసెంబ‌రులో స‌మంత సెట్ కి వ‌స్తుంద‌నుకొన్నారు. కానీ… రాలేదు. ఇప్పుడు జ‌న‌వ‌రి 3 వ వారంలో సెట్‌కి వ‌స్తాన‌ని ద‌ర్శ‌క నిర్మాత‌ల‌కు స‌మాచారం అందించింద‌ని తెలుస్తోంది. స‌మంత రాగానే…. ఈ సినిమా షూటింగ్ ప్రారంభం అవుతుంది. వీలైనంత త్వ‌ర‌గా ఈ చిత్రాన్ని ముగించి… గౌతమ్ తిన్న‌నూరి సినిమా మొద‌లెట్టాల‌ని విజ‌య్ భావిస్తున్నాడు. కొత్త యేడాది వేడుక‌ల కోసం విజ‌య్ త‌న స్నేహితుల‌తో క‌లిసి బాలి వెళ్తున్నాడు. అక్క‌డ ఓ వారం రోజులు గడిపి తిరిగొస్తాడు.